Yohana 14:6 - Biblia Kikutu

⁶ Yesu kamwidika, “Niye ayo nzila, ukweli na ugima. Kuduhu munhu yochola kwa Tata kamba habitila kumwangu.

Yohana 14:6 ပူးပေါင်းရင်းမြစ်များ

Matayo 11:27

“Tatangu kanigwaa vinhu vose. Kuduhu munhu yamjuwile Mwana ila Tata yaiyeka, na kuduhu munhu yamjuwile Tata, ila Mwana yaiyeka na waja Mwana yawasagule kuwagubulila wamjuwe Tata.

Yohana 1:14

Na heyo yakemigwe Mbuli kawa munhu, kakala hamoja na siye, na siye tuwona ukulu wake, ukulu uyagweleligwe na Imulungu Tatake, nayo kamema ng'hekewa na ukweli.

Yohana 1:17

Imulungu kalava Malagizo kubitila Musa, lakini Yesu Kilisito katugalila ng'hekewa na ukweli.

Yohana 1:4

Mgati mmwake mumo ukalile mwanduso wa ugima, na ugima awo ukala mulenge kwa wanhu.

Yohana 10:28

Nowagwaa ugima wa milele, na honda wafe bule. Kuduhu munhu yonda yawasole mmakono gangu.

Yohana 10:7

Avo Yesu kalonga kabili, “Nowalongeleni ukweli, niye ayo lwivi lwa ng'hondolo.

Yohana 10:9

Niye ayo lwivi. Munhu yoyose yobitila kumwangu kokomboligwa, kokwingila na kulawa kuzahila chakuja.

Yohana 14:19

King'hali kipindi kidodo wanhu wa mwiisi honda wanyone kabili, lakini mweye monyona. Kwavija namgima, na mweye vivija mokuwa wagima.

Yohana 15:1

“Niye ayo mzabibu wa kweli, na Tatangu ayo mulimaji.

Yohana 18:37

Avo Pilato kamuuza, “Vino gweye kwa mndewa?” Yesu kamwidika, “Gweye kolonga niye na mndewa. Niye nivumbuka mbuli ya gano, na mbuli ya gano niza mwiisi, kulonga mbuli ya ukweli. Munhu yoyose younogela ukweli konhegeleza.”

Yohana 5:21

Kamba vija Tata viyowazilibula wanhu wafile na kuwagwaa ugima, vivo ili kwa Mwana nayo kowagwaa ugima waja wose yawalondile.

Yohana 6:33

Ndiya iyowagwaa Imulungu ayo heyo yezile hasi kulawa kuulanga na kowagwaa ugima wanhu wa mwiisi.”

Yohana 6:51

Niye ayo ndiya igala ugima ihumuluke kuulanga. Munhu yoyose yoija ndiya ino, kokuwa mgima siku zose. Ndiya yonda nimgwee munhu ayo awo lukuli lwangu, awo uniwagwelela wanhu wa mwiisi ili wawe wagima.”

Yohana 6:57

Tata yeli mgima yanhumile, na kwa mbuli yake niye vivija mgima. Vivo vonda iwe munhu yoyose yoluja lukuli lwangu kokuwa mgima mbuli ya niye.

Yohana 6:68

Simoni Petulo kamwidika, “Mndewa, siye tuchole kwa nani? Gweye kunazo mbuli zigala ugima wa milele.

Yohana 8:32

Avo moijuwa kweli, na kweli yowatenda mulekesigwe.”

Yohana 8:51

Nowalongeleni ukweli, munhu yoyose yotogola mafundizo gangu honda yafe bule.”

Sang'hano 3:15

Mumkoma ayo yakalile chanduso cha ugima, lakini Imulungu kamzilibula kulawa kwa wafile na siye tuyona mbuli ayo.

Sang'hano 4:12

Ukombola haupatikana kwa munhu yoyose iyagwe, kwavija mwiisi yose kuduhu twaga diyagwe diyatugwee Imulungu donda tukomboligwe wa dijo.”

Sang'hano 9:2

kapula baluwa ya kujuwika mng'anda ya kumpula Imulungu ako Damesiki, ili yahamvika munhu yoyose mtwanzi hebu mbigalo kotogola nzila ya Mndewa yamgoge yamgale Yelusalemu.

Walumi 15:16

ya kuwa mtumigwa wa Yesu Kilisito kwa kuwasang'hanila wanhu haweli Wayahudi. Nosang'hana kamba mulava nhosa kwa kuwapetela wanhu Mbuli Inogile ilawa kwa Imulungu, ili wanhu haweli Wayahudi wawe nhosa itogoligwa kwa Imulungu, itendigwe ing'ale kubitila Loho Yang'alile.

Walumi 5:2

Kwa kumtamanila heyo, Yesu katugalila ng'hekewa ya Imulungu, itukala nayo sambi, avo tobetela kwa kudeng'helela kwingila muukulu wa Imulungu.

Walumi 5:21

Avo, kamba vija nzambi vizitawale na kugala ifa, vivo ili ng'hekewa ya Imulungu yotawala kwa ganogile, na kutugala muugima wa milele kubitila Yesu Kilisito Mndewa wetu.

1 Wakolinto 15:45

Kwavija Maandiko Gang'alile golonga, “Munhu wa ichanduso, Adamu kalumbigwa yawe ugima,” lakini Adamu wa ikimambukizo ayo Loho yowagwaa wanhu ugima.

Waefeso 2:18

Avo kubitila Kilisito siye wose, Wayahudi na wanhu haweli Wayahudi, todaha kumcholela Tata kwa Loho imoja Yang'alile.

Wakolosai 2:17

Vinhu vose vino ni sisila da vinhu vondavize, lakini ukweli oneka kwa Kilisito.

Wakolosai 2:9

Kwavija mgati mwa Kilisito mumo ukala kutelela kwa Imulungu,

Wakolosai 3:4

Kilisito ayo ugima wenu na yahalawilila na mweye vivija molawilila hamoja nayo muukulu wake.

Waebulania 7:25

Avo sambi na siku zose kodaha kuwakombola wanhu waja okwiza kwa Imulungu kubitila heyo, kwavija siku zose ka mgima yawapulile kwa Imulungu.

Waebulania 9:8

Kwa nzila ino Loho Yang'alile katufunza goya kamba kipindi dija dihema da kutambikila vidikalile ding'hali kuko, nzila ya kwingila mdigati ding'alile kuko kuulanga ikala hainavuguligwa.

1 Petulo 1:21

Kubitila heyo momtogola Imulungu yamzilibule kwa wafile na kamgwaa ukulu, avo momtogola na momtamanila Imulungu.

1 Petulo 2:4

Avo mwize kumwake, heyo yeli dibwe dili gima dilemigwe na wanhu, lakini Imulungu kadisagula na domfaya.

1 Petulo 3:18

Kwavija Kilisito kafa mwanza umoja kwa nzambi za wanhu wose, munhu yotenda ganogile kwa wanhu otenda gehile ili yawagale mweye kwa Imulungu. Kafa kilukuli lakini katendigwa mgima kwa udahi wa Loho Yang'alile,

1 Yohana 1:8

Twahalonga hatutenda nzambi toivizila wenyego, na mduhu kweli mgati mmwetu.

1 Yohana 2:23

Munhu yoyose yombela Mwana, vivija kombela Tata, na munhu yoyose yomtogola Mwana, vivija komtogola Tata.

1 Yohana 5:20

Vivija tojuwa kamba Mwana wa Imulungu keza, katutenda tumjuwe Imulungu wa kweli, tukale mna ukuilumba na Imulungu wa kweli, mna ukuilumba na mwanage, Yesu Kilisito. Heyo yuyo Imulungu wa kweli na yuyo ugima wa milele.

1 Yohana 5:6

Yesu Kilisito ayo yezile kwa mazi na kwa damu ya kufa kwake. Hezile kwa mazi gaiyeka ila keza kwa mazi na kwa damu. Nayo Loho kolonga kweli, kwavija Loho awo ukweli.

2 Yohana 1:9

Munhu yoyose yofundiza mafundizo gayagwe na hagagoga mafundizo ga Kilisito, munhu ayo kabule Imulungu. Munhu yoyose yogagoga mafundizo kana Tata na Mwana.

Ugubulo 1:5

na kulawa kwa Yesu Kilisito yotamaniligwa, yogubula ukweli wa mbuli ya Imulungu, yeli wa ichanduso kuzilibuka kwa wafile, vivija ayo yowatawala wandewa wa mwiisi. Yesu kotunogela, na kwa damu yake katulekesa na nzambi,

Ugubulo 19:11

Abaho nyona ulanga uvuguligwa na kukala na falasi mzelu. Ayo yomkwela kakemigwa, “Yotamaniligwa” na “Kweli.” Ayo kotagusa na koitowa kwa mbuli ya gaja golondigwa.

Ugubulo 20:15

Munhu yoyose twaga jake hajandikigwe mna ikitabu cha ugima, kasigwa mdilamba da moto.

Ugubulo 22:1

Vivija ayo imsenga wa kuulanga kandagusila lwanda lwa mazi ga ugima, gong'ala kamba kiyoo, golawa mkigoda cha undewa wa Imulungu na cha Mwanang'hondolo.

Ugubulo 22:17

Loho wa Imulungu na Mtwanzi yosoligwa olonga, “Izo!” Kila munhu yohulika gano, yalonge, “Izo!” Munhu yeli na ng'hilu yeze, na munhu yolonda, yasole mazi ga ugima bila kuliha.

Ugubulo 3:14

“Kwa msenga wa kuulanga wa kibumbila cha wanhu wamtogole Yesu ako Laodikea wandike vino, “Usenga uno olawa kwa ayo yokemigwa, Ona, yotamaniligwa na yogubula ukweli, yeli chanduso cha vinhu vose viyaumbile Imulungu.

Ugubulo 3:7

“Kwa msenga wa kuulanga wa kibumbila cha wanhu wamtogole Yesu ako Filadelifia wandike vino, “Usenga uno olawa kwa ayo yong'ala na mkweli. Ayo yeli na luvugulo lwa Daudi, na yahavugula kuduhu yodaha kuhinda, na yahahinda kuduhu yodaha kuvugula.