Yohana 13:3 - Biblia Kikutu

³ Yesu kajuwa kamba Tata kamgwaa vinhu vose mmakono gake. Na kajuwa kamba kalawa kwa Imulungu na kochola kwa Imulungu.

Yohana 13:3 ပူးပေါင်းရင်းမြစ်များ

Matayo 11:27

“Tatangu kanigwaa vinhu vose. Kuduhu munhu yamjuwile Mwana ila Tata yaiyeka, na kuduhu munhu yamjuwile Tata, ila Mwana yaiyeka na waja Mwana yawasagule kuwagubulila wamjuwe Tata.

Matayo 28:18

Yesu kawezila, kawalongela, “Nigweleligwa udahi wose wa kuulanga na mwiisi.

Luka 10:22

“Tatangu kanigwaa vinhu vose. Kuduhu munhu yamjuwile Mwana ila Tata yaiyeka, na kuduhu munhu yamjuwile Tata ila Mwana na waja wose Mwana yawasagule kuwagubulila wamjuwe Tata.”

Yohana 1:18

Kuduhu munhu yamonile Imulungu, lakini Imwana yaiyeka yaigalile na Imulungu na kuilumba na Tata, ayo yatutendile tumjuwe Imulungu.

Yohana 13:1

Dikala ding'hali siku dimoja kuvikila nyimwilinyimwili ya Pasaka. Yesu kajuwa kamba kipindi chake kivika cha kusegela mwiisi ino na kuchola kwa Tatake. Yesu kakala yawanogele ng'hani wanhu zake weli mwiisi, kawanogela siku zose.

Yohana 17:2

Kwavija kumgwaa Mwanago udahi kwa wanhu wose, ili yawagwee ugima wa milele.

Yohana 3:13

Kuduhu munhu yoyose yacholile kuulanga ila Mwana wa Munhu, yezile kulawa kuko.”

Yohana 3:35

Tata kamnogela Mwanage na keka kila kinhu mmakono gake.

Yohana 7:29

lakini niye nimjuwa, kwavija nolawa kumwake, nayo kanhuma.”

Yohana 7:33

Yesu kalonga, “Nokala na mweye kipindi kidodo, na abaho nochola kumwake ija yanhumile.

Yohana 8:14

Yesu kawedika, “Aka, hata kamba nahaisindila mwenyego, gaja gonilonga gaukweli kwavija nikujuwa kundawile na kuja kunichola. Mweye hamukujuwile kuja kundawile hebu kuja kunichola.

Yohana 8:42

Yesu kawalongela, “Maza Imulungu yakalile Tata yenu, mwahaninogele, kwavija niza kulawa kwa Imulungu na sambi nabahano. Sizile kwa udahi wangu mwenyego, lakini kanhuma.

Sang'hano 2:36

“Wanhu wose wa Izilaeli molondigwa mujuwe kamba ino Yesu, yummuwambile mumsalaba, Imulungu kamtenda Mndewa na Kilisito Mkombola!”

1 Wakolinto 15:27

Kwavija Maandiko Gang'alile golonga, “Imulungu kokwika vinhu vose hasi ya magulu gake.” Avo yahalonga, “Vinhu vose.” Imulungu mwenyego kahaduhu, heyo ayo yokwika vinhu vose hasi ya Kilisito.

Waebulania 1:2

lakini siku zino za kuuhelelo, kalonga na siye kubitila Mwanage, heyo iyo ija kwa nzila yake Imulungu kaumba ulanga na isi na vinhu vose vili mumo. Imulungu kamsagula ayo na kamgwaa vinhu vose viwe vake.