Yohana 13:1 - Biblia Kikutu

¹ Dikala ding'hali siku dimoja kuvikila nyimwilinyimwili ya Pasaka. Yesu kajuwa kamba kipindi chake kivika cha kusegela mwiisi ino na kuchola kwa Tatake. Yesu kakala yawanogele ng'hani wanhu zake weli mwiisi, kawanogela siku zose.

Yohana 13:1 ပူးပေါင်းရင်းမြစ်များ

Nongezi 8:31

noideng'helela isi na vose vikala mumo, na deng'ho jangu dikala kwa wanhu.

Matayo 26:45

Kawabwelela wanahina zake kawauza, “Mung'hali muwasa na kubwihila? Loleni, kipindi cha Mwana wa Munhu kwikigwa mmakono ga wanhu wene nzambi kivika.

Matayo 28:20

na muwafundize wagoge kila kinhu kiniwalagizeni, na niye nokuwa hamoja na mweye siku zose mbaka kukimambukizo cha isi.”

Luka 22:53

Siku zose ng'hala na mweye Mng'anda ya Imulungu hamngogile bule. Lakini kino acho kipindi chenu cha kusang'hana, muundewa wa ziza.”

Luka 9:51

Kipindi cha Yesu kugaligwa kuulanga vikikalile mmabehi, kagangamala, kachola Yelusalemu.

Yohana 11:55

Kipindi cha nyimwilinyimwili ya Pasaka ya Wayahudi kikala behi kuvika, avo wanhu wengi wachola Yelusalemu ili waisunhe, nyimwilinyimwili ing'hali hainavika.

Yohana 12:23

Yesu kawedika, “Sambi kipindi kivika cha Mwana wa Munhu kubokela ukulu.

Yohana 13:29

Kwavija Yuda kakala yopapa mkoba wa zisente, wanahina wayagwe wagesa Yesu kamulongela yachole kugula kija kilondeke mwiinyimwilinyimwili ya Pasaka, hebu yawagwee kinhu wakiwa.

Yohana 13:3

Yesu kajuwa kamba Tata kamgwaa vinhu vose mmakono gake. Na kajuwa kamba kalawa kwa Imulungu na kochola kwa Imulungu.

Yohana 13:34

Nowagweleleni lagizo da sambi, Muinogele. Kamba niye viniwanogele, na mweye muinogele vivo.

Yohana 14:28

Munihulika viniwalongele, ‘Nosegela, lakini nowabwelela.’ Maza muninogele mwahadeng'helele kuwa nochola kwa Tata, kwavija heyo ayo mkulu kubanza niye.

Yohana 14:31

lakini wanhu wa mwiisi olondigwa wajuwe kamba nomnogela Tata, lekaavo notenda kila kinhu kamba viyonilagiza. “Inukeni, tusegele.

Yohana 16:28

Ndawa kwa Tata na niza mwiisi, na sambi nosegela mwiisi, nochola kwa Tata.”

Yohana 17:1

Aho Yesu viyamambukize kulonga avo, kalola uchanha kuulanga kalonga, “Tata, saa ivika. Mgwee ukulu Mwanago ili Imwana nayo yakugwee ukulu.

Yohana 17:16

Kamba vija niye vinili siyo wa mwiisi, na awo vivija haweli wa mwiisi.

Yohana 17:26

Nhenda wao wakujuwe, na nogendelela kutenda vivo, ili unogelwa uli nao kumwangu ukale mgati mmwao, ili na niye ng'hale mgati mmwao.”

Yohana 17:5

Tata! Sambi unigwee ukulu, ukulu uuja ung'halile nao na gweye isi ing'hali hainalumbigwa.

Yohana 18:4

Yesu kajuwa kila kinhu chonda kimulawilile, avo kalawilila haulongozi, kawauza, “Momzahila nani?”

Yohana 19:28

Yesu kajuwa kamba kulawa sambi kila kinhu kimala, na ili kutenda Maandiko Gang'alile gavikizwe, Kalonga, “Nokona ng'hilu.”

Yohana 2:13

Siku da Pasaka ya Wayahudi dikala behi, avo Yesu kachola Yelusalemu.

Yohana 6:4

Kipindi cha nyimwilinyimwili ya Wayahudi ikemigwe Pasaka kikala behi.

Yohana 7:30

Abaho walonda kumgoga, lakini kuduhu hata munhu imoja yamgolosele mkono, kwavija saa yake ikala hainavika.

Yohana 7:6

Yesu kawalongela, “Kipindi changu niye hakinavika. Lakini kipindi chochose kinoga kumwenu.

Yohana 8:20

Yesu kalonga gano gose viyakalile kofundiza Mng'anda ya Imulungu, mdigati hakikigwe kiya cha kulavila sadaka. Kuduhu munhu yamgogile, kwavija saa yake ikala hainavika.

Walumi 8:37

Bule, mzimbuli zose zino tuhuma ng'hani kubitila heyo yotunogela siye!

1 Wakolinto 1:8

Nayo kowagangamiza mbaka kuuhelelo, ili sikumoneke mubananga mna Isiku ya Mndewa wetu Yesu Kilisito.

Waebulania 3:14

Kwavija siye wose hamoja twa mgati ya Kilisito Mkombola kamba twahagogeleza goya mbaka kuuhelelo kija kitutamanile aho haichanduso.

Waebulania 3:6

Lakini heyo Kilisito kotamaniligwa kamba Mwana yeli na udahi kwa wanhu weli ng'anda ya Imulungu. Siye wao ng'anda yake kamba twahagendelela kuwa magalu na kugangamala mna iditamanilo dituigodela.

Waebulania 6:11

Siye tolonda kila munhu kumwenu yawambe vivo mbaka kuuhelelo, ili gaja gamutamanila galawilile.

1 Petulo 1:13

Avo mugese goya na muitande kusang'hana, muilongoze goya wenyego. Ikeni tamanilo jenu mna ing'hekewa yonda mugweleligwe vonda yabwele Yesu Kilisito.

1 Yohana 4:19

Siye tuna unogelwa kwavija heyo kasonga kutunogela siye.

Ugubulo 1:5

na kulawa kwa Yesu Kilisito yotamaniligwa, yogubula ukweli wa mbuli ya Imulungu, yeli wa ichanduso kuzilibuka kwa wafile, vivija ayo yowatawala wandewa wa mwiisi. Yesu kotunogela, na kwa damu yake katulekesa na nzambi,