Yohana 12:32 - Biblia Kikutu

³² Kipindi nahenuligwa uchanha kulawa hasi, nomkwega kila munhu kumwangu.”

Yohana 12:32 ပူးပေါင်းရင်းမြစ်များ

2 Samweli 18:9

Abisalomu kakala yakwelile mnyama kamba kihongwe mkulu, bahaja kaiting'hana na wanhu wa Daudi. Mnyama ayo kakala yobita hasi ya biki kulu da mwaloni, pala da Abisalomu jangama mditambi da mwaloni. Abisalomu kalekigwa yotinga mditambi na mnyama ayo kagendelela.

Kupetigwa 21:9

Avo Musa katenda zoka da shaba kadinanika mdibiki. Kila munhu yalumigwe na zoka viyadilolile ajo dizoka da shaba kahona.

Yohana 1:7

Ayo keza kuwalongela wanhu mbuli ya umulenge ili wanhu wose wahulike na watogole.

Yohana 12:34

Lunhu lwa wanhu lumwidika, “Malagizo getu gotulongela kamba Kilisito Mkombola kokuwa mgima siku zose. Habali kabili gweye kolonga Mwana wa Munhu kolondigwa yenuligwe uchanha? Vino ino Mwana wa Munhu ayo nani?”

Yohana 18:32

Gano gatendeka ili kutenda mbuli za Yesu zilawilile, mbuli ziyalongile kulagusa vonda yafe.

Yohana 19:17

Kalawa kunze kuno kapapa msalaba wake, kachola hanhu hakemigwe Fumvu da Pala. Kwa Kiebulania hokemigwa Goligota.

Yohana 3:14

Kamba Musa viyamwinule mdibiki nyoka wa shaba kuja kuluwala, vivo vonda yenuligwe Mwana wa Munhu,

Yohana 6:44

Kuduhu munhu yodaha kwiza kumwangu bila kugaligwa na Tata yanhumile, na niye nomzilibula munhu ayo mna isiku ya uhelelo.

Yohana 8:28

Avo kawalongela, “Mwahamwinula uchanha Mwana wa Munhu, mojuwa kamba, ‘Nene iyo Nene,’ abaho mojuwa kamba sitenda mbuli yoyose kwa udahi wangu, lakini nolonga kija kiyanilagize Tata nonge.

Wagalatia 3:13

Kilisito katukombola mna ukuduwiligwa na Malagizo, kwa kuduwiligwa mbuli ya siye, kwavija Maandiko Gang'alile golonga, “Munhu yoyose lukuli lwake lunanikigwe mdibiki kaduwiligwa.”

1 Timoseo 2:6

yailavile mwenyego kutenda wanhu wose wakomboligwe, mbuli ino ayo iyalaguse Imulungu mna ikipindi kinogile.

Waebulania 2:9

Lakini tomona Yesu yatendigwe munhu mdodo kubanza wasenga wa kuulanga kwa kipindi kidodo, ili mbuli ya ng'hekewa ya Imulungu kumwetu Yesu kafa mbuli ya wanhu wose. Sambi tomona kavazigwa taji ya ukulu na kutegelezigwa mbuli ya kugaya kwake mbaka kufa.

1 Petulo 2:24

Heyo mwenyego kazipapa nzambi zetu muulukuli lwake mumsalaba, ili tufe kwa nzambi na tuwe wagima kwa ganogile. Kwa kulumizigwa kwake mweye muhonyigwa.

1 Petulo 3:18

Kwavija Kilisito kafa mwanza umoja kwa nzambi za wanhu wose, munhu yotenda ganogile kwa wanhu otenda gehile ili yawagale mweye kwa Imulungu. Kafa kilukuli lakini katendigwa mgima kwa udahi wa Loho Yang'alile,

1 Yohana 2:2

Kilisito ayo nhosa isegesa nzambi zetu na siyo siye twiiyeka, lakini vivija na nzambi za wanhu wose wa mwiisi.

Ugubulo 5:9

Wemba lwila lwa sambi, “Kofaya kukisola ikitabu na kuzibandula zifundo zake za uhota. Kwavija kukala uchinjigwe, na kwa damu yako kumgulila wanhu Imulungu, kulawa kila kabila na ulonzi na isi na lukolo.