Yohana 12:1 - Biblia Kikutu

¹ Zing'hali siku sita kuvika nyimwilinyimwili ya Pasaka, Yesu kachola Betania, ukae kumwake Lazalo, ayo iyamzilibule kulawa kwa wafile.

Yohana 12:1 ပူးပေါင်းရင်းမြစ်များ

Matayo 21:17

Yesu kawaleka na kachola Betania kunze ya buga, kawasa kuko.

Maluko 11:11

Yesu kavika Yelusalemu, kachola kuna Ing'anda ya Imulungu, kawegesela kuno na kuno. Lakini kwavija zuwa dikala dihongile, Yesu kachola Betania na wanahina zake longo na wabili.

Luka 24:50

Abaho kawalongoza kunze kudibuga mbaka Betania, ako kenula makono gake, kawatambikila.

Luka 7:37

Kudibuga dija kukala na mtwanzi imoja yakalile yotenda nzambi. Kahulika kamba Yesu kakala yoja mng'anda ya Mfalisayo ayo, avo kasola nyhupa ya alabasita imemile mavuta gonung'hila goya ga bei ng'hulu.

Yohana 11:1

Munhu yakemigwe Lazalo yakalile kudibuga da Betania kakala mtamu. Betania dijo buga diwakalile Malia na mkulu wake Mata.

Yohana 11:43

Viyamambukize kulonga avo, kakemelela, “Lazalo, lawa kunze!”

Yohana 11:44

Lazalo kalawa kunze kuno makono gake na magulu gake gazingilizigwa sitili, na leso mkihanga chake. Yesu kawalongela, “Mfunguleni mulekeni yachole.”

Yohana 11:55

Kipindi cha nyimwilinyimwili ya Pasaka ya Wayahudi kikala behi kuvika, avo wanhu wengi wachola Yelusalemu ili waisunhe, nyimwilinyimwili ing'hali hainavika.

Yohana 12:12

Imitondo yake lunhu mkulu lwizile kuna inyimwilinyimwili ya Pasaka luhulika kamba Yesu kakala yokwiza Yelusalemu.

Yohana 12:20

Wagiliki wayagwe wakala mumo mna iwanhu wacholile Yelusalemu kutambika mna ikipindi cha nyimwilinyimwili ya Pasaka.

Yohana 12:9

Wayahudi wengi wahulika kamba Yesu kakala Betania, avo wachola kuko, siyo mbuli ya Yesu yaiyeka lakini vivija kumona Lazalo, ayo iyamzilibule.