Yohana 11:27 - Biblia Kikutu

²⁷ Mata kedika, “Ona Mndewa, notogola kamba gweye ayo Kilisito Mkombola, Mwana wa Imulungu ija yezile mwiisi.”

Yohana 11:27 ပူးပေါင်းရင်းမြစ်များ

Matayo 11:3

Wamuuza Yesu, “Vino gweye heyo ija iyalongile Yohana kokwiza, hebu tumbete iyagwe?”

Matayo 16:16

Simoni Petulo kamwidika, “Gweye kwa Kilisito, Mwana wa Imulungu yeli mgima.”

Matayo 16:20

Abaho Yesu kawazuma wanahina zake sikuwamulongele munhu yoyose kamba heyo kakala Kilisito Mkombola.

Luka 2:11

Lelo kudibuga da Daudi, Mkombola wenu kavumbuka, ayo Kilisito Mndewa!

Yohana 1:49

Nasanaeli kedika, “Mfundiza, gweye kwa Mwana wa Imulungu! Gweye kwa Mndewa wa Izilaeli!”

Yohana 4:42

Wamulongela mtwanzi ayo, “Sambi totogola, siyo mbuli ya gaja gaulongile gaiyeka, lakini siye wenyego tumuhulika, na tojuwa heyo ayo Mkombola wa wanhu wa mwiisi yose.”

Yohana 6:14

Viwauwonile unzonza uno yautendile Yesu, wanhu walonga, “Kweli ino ayo mtula ndagu wa Imulungu yalondeke kwiza mwiisi!”

Yohana 6:69

Sambi siye totogola na tojuwa kamba gweye ayo Yang'alile ija yalawile kwa Imulungu.”

Sang'hano 8:36

Viwakalile ogendelela na mwanza, wavika hanhu hakalile na mazi, mkulu ayo kalonga, “Hano hana mazi. Kinhu gani kingomesa ndeke kubatizigwa?”

Sang'hano 8:37

Filipo kamulongela, “Kodaha kubatizigwa kamba wahatogola kwa moyo wako wose. Mkulu ayo kamwidika, ‘Notogola kamba Yesu Kilisito iyo Mwana wa Imulungu’.”

1 Yohana 5:1

Munhu yoyose yotogola kamba Yesu ayo Kilisito munhu ayo mwana wa Imulungu. Munhu yomnogela tata munhu, vivija komnogela na imwana.

1 Yohana 5:20

Vivija tojuwa kamba Mwana wa Imulungu keza, katutenda tumjuwe Imulungu wa kweli, tukale mna ukuilumba na Imulungu wa kweli, mna ukuilumba na mwanage, Yesu Kilisito. Heyo yuyo Imulungu wa kweli na yuyo ugima wa milele.