Yohana 10:29 - Biblia Kikutu

²⁹ Tatangu yanigwelele awo ayo mkulu kubanza wose, na kuduhu yodaha kuwasola mmakono ga Tata.

Yohana 10:29 ပူးပေါင်းရင်းမြစ်များ

Zabuli 145:3

Mndewa Imulungu mkulu, na kofaya kutogoligwa, ukulu wake haupimigwa.

Kulawa 18:11

Sambi nojuwa kamba Mndewa Imulungu iyo mkulu kubanza milungu yose, kwavija kawakombola Waizilaeli kulawa mmakono gawa Misili wakalile owabezeli.”

Yohana 10:28

Nowagwaa ugima wa milele, na honda wafe bule. Kuduhu munhu yonda yawasole mmakono gangu.

Yohana 10:30

Niye na Tata twa wamoja.”

Yohana 14:28

Munihulika viniwalongele, ‘Nosegela, lakini nowabwelela.’ Maza muninogele mwahadeng'helele kuwa nochola kwa Tata, kwavija heyo ayo mkulu kubanza niye.

Yohana 17:11

Sambi nokwiza kumwako, sili mwiisi kabili lakini awo wa mwiisi. Tata Ung'alile, weke goya kwa udahi wa twaga jako diunigwelele wadahe kuwa kinhu kimoja kamba vija gweye na niye vitwili kinhu kimoja.

Yohana 17:2

Kwavija kumgwaa Mwanago udahi kwa wanhu wose, ili yawagwee ugima wa milele.

Yohana 17:6

“Niditenda twaga jako dijuwike kwa wanhu waja waunigwelele mwiisi. Wakala wanhu wako na gweye kungwaa niye, wao waigoga mbuli yako.

Yohana 17:9

“Niye nowapulila wao. Siwapulila wanhu wa mwiisi bule lakini kwa wose waunigwelele, kwavija wako gweye.

Yohana 6:37

Wose iwonigwelela Tatangu okwiza kumwangu. Na niye simwasa kunze munhu yoyose yokwiza kumwangu,