Yohana 1:49 - Biblia Kikutu

⁴⁹ Nasanaeli kedika, “Mfundiza, gweye kwa Mwana wa Imulungu! Gweye kwa Mndewa wa Izilaeli!”

Yohana 1:49 ပူးပေါင်းရင်းမြစ်များ

Zabuli 110:1

Mndewa Imulungu komulongela Mndewa wangu, “Kala umwambu wa mkono wangu wa ukudila mbaka niwatende iwanhu okwihila kigoda cha kwikila magulu gako.”

Zabuli 2:6

“Na niye nimwika mndewa wangu uchanha ya Sayuni, ulugongo lwangu lung'ala.”

Matayo 14:33

Wanahina wakalile mwiingalawa wamtambikila Yesu, walonga, “Kweli gweye kwa Mwana wa Imulungu!”

Matayo 2:2

Wauza, “Kakwahi imwana yavumbuke yawe Mndewa wa Wayahudi? Kwavija tuyona nhondo yake kulawa mwambu wa kudilawila zuwa na siye twiza kumfugamila.”

Matayo 21:5

“Dilongele buga da Sayuni, Lola, mndewa wako kokwiza! Muhole na kakwela kihongwe na mwanage kihongwe.”

Matayo 23:7

Onogezwa kulamusigwa na wanhu mna gamagulilo na kukemigwa na wanhu, ‘Mfundiza’.

Matayo 23:8

Lakini mweye sikumukemigwe ‘Mfundiza’. Kwavija mweye mwa wanhu wa lubuga lumoja na Mfundiza wenu imoja.

Matayo 27:11

Yesu kema haulongozi wa mkulu wa isi, nayo kamuuza, “Gweye kwa Mndewa wa Wayahudi?” Yesu kamwidika, “Ona, vivo viulonga.”

Matayo 27:42

Walonga, “Kawakombola wayagwe, lelo hadahile vilihi kuikombola mwenyego! Vino ino siyo Mndewa wa wanhu wa Izilaeli? Lelo yahahumuluka mumsalaba tomtogola!

Matayo 4:3

Abaho Mwenembago kamcholela kamulongela, “Kamba gweye kwa Mwana wa Imulungu kweli galagize mabwe gano gagaluke magate.”

Maluko 15:32

Leka tumulole Kilisito Mkombola, Mndewa wa Izilaeli, lelo yahahumuluka mumsalaba na siye tomtogola!” Vivija na wanhu waja wabili wawambigwe hamoja na Yesu wamuliga.

Luka 1:35

Msenga ija kamwidika, “Loho Yang'alile kokwizila, na nguvu za Imulungu zokugubika. Avo Mwana yonda yavumbuke kokuwa Yang'alile na kokemigwa Mwana wa Imulungu.

Luka 19:38

Walonga, “Imulungu yamtambikile Mndewa yokwiza kwa twaga da Imulungu, tindiwalo kuulanga na ukulu kwa Imulungu!”

Yohana 1:18

Kuduhu munhu yamonile Imulungu, lakini Imwana yaiyeka yaigalile na Imulungu na kuilumba na Tata, ayo yatutendile tumjuwe Imulungu.

Yohana 1:34

Abaho Yohana kalonga, “Nichona kinhu acho, na nowalongeleni ukweli, heyo ayo Mwana wa Imulungu.”

Yohana 1:38

Yesu kahinduka, kawona omkweleleza, kawauza, “Mozahila choni?” Wamwidika, “Labi, kokala kwahi?” Labi fambulo jake, “Mfundiza.”

Yohana 1:50

Yesu kamulongela Nasanaeli, “Vino kotogola kwavija nikulongela nikona viukalile hana dibiki da mtini? Kokwiza kuvona vinhu vingi ng'hani kubanza vino!”

Yohana 18:37

Avo Pilato kamuuza, “Vino gweye kwa mndewa?” Yesu kamwidika, “Gweye kolonga niye na mndewa. Niye nivumbuka mbuli ya gano, na mbuli ya gano niza mwiisi, kulonga mbuli ya ukweli. Munhu yoyose younogela ukweli konhegeleza.”

Yohana 4:31

Mna ikipindi kikija wanahina zake wamnanahiza Yesu, “Mfundiza, chonde, diya tanhu!”