Yohana 1:3 - Biblia Kikutu

³ Kubitila heyo, Imulungu kaumba vinhu vose. Kuduhu kinhu chochose kiumbigwe bila heyo.

Yohana 1:3 ပူးပေါင်းရင်းမြစ်များ

Mwanduso 1:1

Baho haichanduso, Imulungu kalumba ulanga na isi,

Mwanduso 1:26

Abaho Imulungu kalonga, “Sambi tulumbe munhu yaigalile na siye kamba vitwili, yatawale somba weli mwiibahali, ndege na wanyama wose, ofugigwa na weli kumuhulo na wang'onyo wose otambala mwiisi.”

Zabuli 102:25

Aho haichanduso kusimika mhanda za isi, na ulanga sang'hano ya makono gako.

Zabuli 33:6

Ulanga ulumbigwa kwa mbuli ya Mndewa Imulungu, ivinhu vose vili kuulanga vilumbigwa kwa mhumuzi ya mulomo wake.

Nongezi 8:30

Ng'hala hamoja nayo kamba galu wa sang'hano, ng'hala deng'helelo yake kila siku, nideng'helela siku zose,

Yohana 1:10

Mbuli kakala mwiisi, na kubitila heyo Imulungu kaumba isi yose, lakini wanhu wa mwiisi hawamjuwile bule.

Yohana 1:2

Toka kunaichanduso Mbuli kakala hamoja na Imulungu.

1 Wakolinto 8:6

lakini kumwetu siye tuna Imulungu imoja yaiyeka, Tata ija yaumbile vinhu vose na kubitila heyo tokuwa wagima. Na kuna Mndewa imoja yaiyeka, nayo ayo Yesu Kilisito, kubitila heyo vinhu vose vilumbigwa, na siye twawagima kubitila heyo.

Waefeso 3:9

na niwatende wanhu wose wazijuwe mbuli za Imulungu zifisigwe na vizisang'hana. Imulungu yaumbile vinhu vose, kavifisa vinhu vake avo toka mwaka,

Waebulania 11:3

Kwa kutamanila siye tojuwa kamba isi ilumbigwa kwa imbuli ya Imulungu, avo vinhu vikoneka vitendigwa kulawa kuna ivinhu havikoneka.

1 Yohana 5:1

Munhu yoyose yotogola kamba Yesu ayo Kilisito munhu ayo mwana wa Imulungu. Munhu yomnogela tata munhu, vivija komnogela na imwana.

Ugubulo 3:14

“Kwa msenga wa kuulanga wa kibumbila cha wanhu wamtogole Yesu ako Laodikea wandike vino, “Usenga uno olawa kwa ayo yokemigwa, Ona, yotamaniligwa na yogubula ukweli, yeli chanduso cha vinhu vose viyaumbile Imulungu.

Ugubulo 4:11

“Mndewa wetu na Imulungu wetu, kofaya, kugweleligwa ukulu na kutegelezigwa na nguvu, kwavija kulumba kila kinhu, na kwa kulonda mwenyego viwa baho na vokoneka.”