Yohana 1:18 - Biblia Kikutu

¹⁸ Kuduhu munhu yamonile Imulungu, lakini Imwana yaiyeka yaigalile na Imulungu na kuilumba na Tata, ayo yatutendile tumjuwe Imulungu.

Yohana 1:18 ပူးပေါင်းရင်းမြစ်များ

Mwanduso 16:13

Avo Hajili kamgwaa Mndewa Imulungu iyalongile na heyo twaga da, “Imulungu konilola.” Kwavija kalonga, “Nimona heyo yonyona niye.”

Mwanduso 18:33

Mndewa Imulungu viyeshilize kulonga na Abulahamu, kasegela, na Abulahamu kabwela ukae kumwake.

Kulawa 23:21

Mumtegeleze na kugoga gaja gonda yawalongele. Sikummulemele, kwavija niye na hamoja nayo na honda yazigele kumgongo nzambi zenu.

Kulawa 24:10

na wamona Imulungu wa Izilaeli. Hasi ya magulu gake honeka kamba sakafu ya mabwe gokwaka, ikala buluu kamba ulanga.

Nongezi 8:30

Ng'hala hamoja nayo kamba galu wa sang'hano, ng'hala deng'helelo yake kila siku, nideng'helela siku zose,

Kupetigwa 12:8

Niye nolonga na heyo kihanga kwa kihanga, silonga kwa kuzunguluka. Heyo konyona niye Mndewa Imulungu vinili. Avo habali hamdumbile kumulonga vihile msang'hanaji wangu Musa?”

Matayo 11:27

“Tatangu kanigwaa vinhu vose. Kuduhu munhu yamjuwile Mwana ila Tata yaiyeka, na kuduhu munhu yamjuwile Tata, ila Mwana yaiyeka na waja Mwana yawasagule kuwagubulila wamjuwe Tata.

Luka 10:22

“Tatangu kanigwaa vinhu vose. Kuduhu munhu yamjuwile Mwana ila Tata yaiyeka, na kuduhu munhu yamjuwile Tata ila Mwana na waja wose Mwana yawasagule kuwagubulila wamjuwe Tata.”

Yohana 1:14

Na heyo yakemigwe Mbuli kawa munhu, kakala hamoja na siye, na siye tuwona ukulu wake, ukulu uyagweleligwe na Imulungu Tatake, nayo kamema ng'hekewa na ukweli.

Yohana 12:41

Isaya kalonga vino kwavija kawona ukulu wa Yesu na kalonga mbuli yake.

Yohana 13:23

Mwanahina imoja, ija yanogeligwe ng'hani na Yesu, kakala behi na Yesu.

Yohana 14:9

Yesu kamwidika, “Nikala na mweye siku zose, avo lelo hunjuwile vilihi Filipo? Munhu yoyose yanyonile niye, kamona Tata. Habali gweye koniuza niwalagusile Tata?

Yohana 17:26

Nhenda wao wakujuwe, na nogendelela kutenda vivo, ili unogelwa uli nao kumwangu ukale mgati mmwao, ili na niye ng'hale mgati mmwao.”

Yohana 17:6

“Niditenda twaga jako dijuwike kwa wanhu waja waunigwelele mwiisi. Wakala wanhu wako na gweye kungwaa niye, wao waigoga mbuli yako.

Yohana 3:11

Nokulongela ukweli, tolonga kija tukijuwile tosimulila acho tuchonile, lakini haduhu munhu yoyose kumwenu yotogola usenga wetu.

Yohana 6:46

Kuduhu munhu yoyose yamonile Tata, heyo yalawile kwa Imulungu ayo heyo yaiyeka yamonile Tata.

2 Wakolinto 4:4

Hawatogola kwavija Mwenembago, imulungu wa isi ino kazigela nzewele zao mdiziza, ili sikuwawone mulenge wa Mbuli Inogile ya ukulu wa Kilisito, yaigalile na Imulungu kwa kila kinhu.

Kumbukumbu 4:12

Abaho Mndewa Imulungu kalonga na mweye kulawa muumoto awo. Muzihulika mbuli ziyalongile lakini hammone, mweye muihulika sauti yake iiyeka.

Wakolosai 1:15

Kilisito yokoneka kaigala too na Imulungu hakoneka. Kilisito ayo chaudele, heyo ayo mkulu wa vinhu vose viumbigwe.

1 Timoseo 1:17

Kumwake heyo yeli Mndewa siku zose, hafa na hakoneka, yeli Imulungu yaiyeka, nhogolwa na ukulu vake heyo siku zose! Ona.

1 Timoseo 6:16

Heyo yaiyeka yeli mgima siku zose, yakalaga kuna umulenge uleka kuvikigwa na munhu. Kuduhu munhu yamonile, kuduhu yodaha kumona. Kumwake uwe ukulu na kutegelezigwa siku zose! Ona.

Yoshua 5:13

Siku dimoja Yoshua viyakalile behi na Yeliko, baho munhu imoja kema kuulongozi wake kuno kagoga sime dikutwa. Avo Yoshua kamcholela kamuuza, “Vino gweye kwa miyetu hebu kwa iwanhu otwihila?”

1 Yohana 4:12

Kuduhu munhu yoyose yamonile Imulungu, lakini kamba toinogela wenyego, Imulungu kokala mgati mmwetu, na unogelwa wake utelela kumwetu.

1 Yohana 4:20

Kamba munhu yahalonga “Nomnogela Imulungu,” akuno komwihila ndugu yake, munhu ayo koviza. Kwavija munhu yoleka kumnogela ndugu yake yomona, hadaha kumnogela Imulungu, yoleka kumona.

1 Yohana 4:9

Imulungu katulagusila unogelwa wake kumwetu kwa kumtuma Mwanage yaiyeka mwiisi, ili tuwe wagima kubitila heyo.

1 Yohana 5:20

Vivija tojuwa kamba Mwana wa Imulungu keza, katutenda tumjuwe Imulungu wa kweli, tukale mna ukuilumba na Imulungu wa kweli, mna ukuilumba na mwanage, Yesu Kilisito. Heyo yuyo Imulungu wa kweli na yuyo ugima wa milele.