Yohana 1:12 - Biblia Kikutu

¹² Lakini waja wambokele na kumtogola, Imulungu kawatogolela kuwa wanage.

Yohana 1:12 ပူးပေါင်းရင်းမြစ်များ

2 Samweli 7:24

Kuwasagula wanhu wako Waizilaeli mbuli yako mwenyego, ili wawe wanhu wako milele, na gweye Mndewa Imulungu kuwa Imulungu wao.

Matayo 10:40

“Munhu yoyose yowabokela mweye kombokela niye, na munhu yoyose yombokela niye kombokela ija yanhumile.

Matayo 12:21

Wanhu wose wa mwiisi oditamanila twaga jake.”

Matayo 18:5

Yoyose yombokela mwana mdodo kamba ino kwa twaga jangu, kombokela niye.

Yohana 1:11

Keza mwiisi yake mwenyego, lakini wanhu zake mwenyego hawambokele bule.

Yohana 1:7

Ayo keza kuwalongela wanhu mbuli ya umulenge ili wanhu wose wahulike na watogole.

Yohana 11:52

na siyo kwa Wayahudi waiyeka, lakini vivija kuwagala hamoja wanhu wa Imulungu wapwililike wawe wamoja.

Yohana 2:23

Yesu viyakalile kudibuga da Yelusalemu kuna inyimwilinyimwili ya Pasaka, wanhu wengi wamtogola viwonile mbuli nyingi za unzonza ziyatendile.

Yohana 20:31

Lakini zino zandikigwa ili mweye mudahe kutogola kamba Yesu ayo Kilisito Mkombola, Mwana wa Imulungu, na kwa kumtogola muwe na ugima.

Yohana 3:18

“Wanhu wose onda wamtogole Mwana honda watagusigwe bule, lakini wose omulema watagusigwa mwaka, kwavija hawamtogole Mwana yaiyeka yanogeligwe na Imulungu.

Sang'hano 3:16

Udahi wa twaga da Yesu awo umgwelele nguvu munhu ino mbetembete. Kino kimona na kukijuwa kitendigwa kwa kutamanila kwa twaga jake. Kumtamanila Yesu ako kumtendile munhu ino yahonyigwe, kamba mose vimona.

Walumi 8:14

Kwavija wanhu olongozigwa na Loho wa Imulungu wao wana wa Imulungu.

Walumi 8:16

Nayo Loho mwenyego kolagusa hamoja na loho zetu kuwa siye twa wana wa Imulungu.

Walumi 8:19

Vinhu vose viumbigwe vobetela kwa kusulukila ng'hani, Imulungu vonda yalaguse welihi wao wanage.

Wagalatia 3:26

Kwa kumtamanila Yesu Kilisito mweye mose mwa wana wa Imulungu.

Wagalatia 4:6

Kwavija mweye mwa wanage, Imulungu kamtuma Loho wa Mwanage mmizoyo yenu, Loho ayo yokemelela, “Aba, fambulo jake Tata.”

Wakolosai 2:6

Kwavija mweye mumtogola Yesu Kilisito yawe Mndewa wenu, avo gendeleleni kukala kwa kuilumba nayo.

2 Petulo 1:4

Avo katugwaa nhunza zinogile ng'hani ziyatulongele kotugwaa, ili kwa nhunza zizo muwe na moyo kamba wake, na sikumukale kwa kusulukila gehile geli mwiisi.

1 Yohana 3:1

Loleni, Tata viyatunogele ng'hani, mbaka tokemigwa wana wa Imulungu! Ona vivo vitwili. Lekaavo wanhu wa mwiisi hawatujuwile siye, kwavija hawamjuwile heyo.

1 Yohana 3:10

Vino avo vituwajuwa wana wa Imulungu na wana wa Mwenembago, munhu yoyose hatenda gaja gomnogela Imulungu hebu hamnogela ndugu yake, munhu ayo hali mwana wa Imulungu.

1 Yohana 3:2

Ndugu zangu, sambi twa wana wa Imulungu, na hatujuwa vondatuwe. Lakini tojuwa Kilisito yahabwela toigala nayo, kwavija tomona kamba viyali.

1 Yohana 3:23

Lagizo jake dijo dino, tumtogole Mwanage Yesu Kilisito, na tuinogele wenyego kamba viyatulagize.