Yakobo 5:20 - Biblia Kikutu

²⁰ mujuwe kamba, munhu yoyose yombweza mnzila inogile munhu mwene nzambi, komkombola na ifa na nzambi zake nyingi zogeligwa kumgongo.

Yakobo 5:20 ပူးပေါင်းရင်းမြစ်များ

Zabuli 32:1

Kamweda imunhu nzambi zake zigeligwa kumgongo, imunhu nzambi zake zisegesigwa kabisa.

Nongezi 10:12

Kwiihila kogala ugomvi, lakini unogelwa ogubika ubananzi wose.

Nongezi 10:2

Ugoli upatikana kwa gehile haufaya, lakini haki yokombola kulawa mwiiifa.

Nongezi 11:30

Tunda da munhu yeli na haki uwo ugima, na yeli na ubala kokema wanhu.

Nongezi 11:4

Ugoli haufaya kinhu siku ya ng'hasiliki, lakini haki yokombola kulawa mwiiifa.

Nongezi 17:9

Yogela kumgongo gehile ga wayage kogala umbwiga, lakini yokumbusa gehile kougola umbwiga.

Yohana 5:24

“Nowalongeleni ukweli, wanhu wose ozihulika mbuli zangu na kumtogola heyo yanhumile wanao ugima wa milele. Awo honda watagusigwe bule, kwavija wamala kubita mkufa kwiza muugima.

Walumi 11:14

Nogesa nodaha kuwatenda Wayahudi wayangu wawonele migongo mweye, avo ndahe kuwakombola wayagwe wao.

1 Wakolinto 1:21

Kamba viili nzewele ya Imulungu, wanhu wa mwiisi hawadaha kumjuwa heyo kubitila nzewele zao wenyego. Lakini Imulungu kanogelwa kuwakombola waja omtogola kubitila usenga awo utuwapetela na ukoneka kwa wanhu weli na nzewele kamba ubozi.

1 Wakolinto 9:22

Kwa waja wanyolile, na niye ninyolila ili niwapate hewo. Avo niitenda kila kinhu kwa wanhu wose ili nidahe kuwatenda wayagwe wakomboligwe kwa nzila yoyose idahika.

1 Timoseo 4:16

Uiteganye mwenyego na mafundizo gako. Gendelela kusang'hana mbuli zino, kwavija uhasang'hana koikombola mwenyego na waja okutegeleza.

Filimoni 1:19

Nokwandika gano kwa mkono wangu mwenyego, niye Paulo nokuliha, silonda kukulongela kamba kumwangu kodaigwa ugima wako.

Yakobo 1:15

Kusulukila kwihile kwahepa kolela nzambi, nazo nzambi zahakangala zolela ifa.

Yakobo 1:21

Avo lekeni gehile na ganyolodoke gose, muibokele kwa uhole imbuli ihandigwe mmizoyo yenu, imbuli idaha kuwakombola.

Yakobo 5:15

Avo wahapula kwa kutamanila mtamu ayo kohonyigwa, na Mndewa komtenda yakone goya, na kamba katenda nzambi, zogeligwa kumgongo.

Yakobo 5:19

Ndugu zangu, kamba imoja wenu yahaga kuujuwa ukweli, na iyagwe yahambweza,

1 Petulo 4:8

Kubanza mbuli zose, muinogele kwa mizoyo yenu yose, kwavija kuinogela kogubika nzambi nyingi.

Ugubulo 20:6

Wamweda na wang'ala wanhu onda wawe mumo muuzilibuko uno wa ichanduso. Ifa ya kabili honda iwagoge kabili, okuwa walava nhosa wa Imulungu na Kilisito, na olongoza hamoja nayo miyaka elufu imoja.