Yakobo 5:16 - Biblia Kikutu

¹⁶ Avo kila munhu yamulongele miyage nzambi zake, muipulile ili muhonyigwe. Kupula kwa munhu yanogile mgameso ga Imulungu kuna nguvu ng'hani ya kutenda mengi.

Yakobo 5:16 ပူးပေါင်းရင်းမြစ်များ

Mwanduso 19:29

Avo Mndewa Imulungu viyagabanange mabuga geli kubonde kuyakalile Lutu, kamgesa Abulahamu na katogola Lutu yahonyeke.

Mwanduso 20:17

Abaho Abulahamu kampula Imulungu, nayo kamuhonya Abimeleki na mwehe wake na watumwa zake wa kitwanzi avo wadaha kulela wana kabili,

Mwanduso 20:7

Sambi mbweze mtwanzi ayo kwa mkasano wake. Abulahamu ni mtula ndagu wangu, avo kokupulila sambi ufe. Lakini kamba humbweza bule, nokuzuma, gweye na wanhu zako wose mofa.”

Mwanduso 32:28

Munhu ayo kamulongela, “Sambi hukemigwa Yakobo kabili, lakini kokemigwa Izilaeli kwavija kuihuma na Imulungu na wanhu, na gweye kugangamala.”

2 Samweli 19:19

Shimei kamulongela mndewa, “Nokupula mndewa wangu sambi unhendele kitala hebu kukumbuka mbuli ija siku dija diukalile usegela kudibuga da Yelusalemu. Nokupula sambi ugeke muumoyo wako.

Zabuli 34:15

Mndewa Imulungu kowalola iwanhu wanogile, na kotegeleza kililo chao,

Kulawa 17:11

Ikala, Musa viyenule makono gake Waizilaeli wahuma lakini viyagahumuluse hasi, Waamaleki wahuma.

Kulawa 9:33

Avo Musa kasegela kwa Falao, kachola kunze kudibuga, kagolosa makono gake kampula Mndewa Imulungu. Ng'huwa na mvula ya mabwe vileka kutowa.

Nongezi 15:29

Mndewa Imulungu kakutali na wasang'hana gehile, lakini kowategeleza waja weli na haki.

Nongezi 15:8

Nhosa za wasang'hana gehile, ngevuzo kwa Mndewa Imulungu, lakini kupula kwa munhu yeli na haki ajo deng'ho da Imulungu.

Nongezi 28:9

Munhu yolema kugoga malagizo, munhu ayo hata kupula kwake ngevuzo kwa Imulungu.

Kupetigwa 11:2

Wanhu wamulilila Musa, na heyo kampula Mndewa Imulungu na moto awo ufa.

Matayo 21:22

Kamba mwahatogola, mobokela chochose chonda mupule.”

Matayo 3:6

Watogola hewo watenda nzambi na Yohana kawabatiza muulwanda lwa Yolidani.

Maluko 1:5

Wanhu wengi kulawa mwiisi ya Yudea na kudibuga da Yelusalemu wachola kumtegeleza Yohana. Watogola kamba wana nzambi, Yohana kawabatiza muulwanda lwa Yolidani.

Luka 9:6

Wanahina wafunga mwanza, wabitila vijiji vose owapetela wanhu Mbuli Inogile na kuwahonya wanhu kila hanhu.

Yohana 9:31

Tojuwa kamba Imulungu hawategeleza wanhu otenda nzambi, lakini kowategeleza wanhu waja omtegeleza heyo na kusang'hana gaja goyolonda.

Sang'hano 10:38

Mumjuwa Imulungu viyamsagule Yesu wa Nazaleti kwa kumgwaa Loho Yang'alile na udahi. Kila hanhu hayacholile katenda ganogile na kuwahonya wanhu wose wakalile mmakono ga Mwenembago, kwavija Imulungu kakala nayo.

Sang'hano 19:18

Wanhu wengi wamtogole Yesu weza walonga mgameso ga wanhu mbuli ziwatendile.

Sang'hano 8:24

Simoni kamulongela Petulo na Yohana, “Mhulileni kwa Mndewa, gano gamulongile sikugandawilile.”

Walumi 3:10

Kamba Maandiko Gang'alile vigalonga, “Kuduhu hata munhu imoja yanogile mgameso ga Imulungu,

Walumi 5:19

Kamba vija kulema kutegeleza kwa munhu imoja wanhu wengi otenda nzambi, vivo ili kwa kutegeleza kwa munhu imoja wanhu bwando otendigwa wanoga mgameso ga Imulungu.

Wakolosai 1:9

Avo, toka vituhulike mbuli zenu hatulekile kuwapulila kwa Imulungu, yawagwee ubala wose wa kutenda kiyolonda na nzewele zose na kujuwa. Vose vino volawa kwa Loho wake.

1 Wasesalonike 5:17

siku zose mumpule Imulungu,

1 Wasesalonike 5:23

Imulungu mwenyego iyotugwaa tindiwalo yawatende muwe wang'alile ng'hani na kwika unhu wenu na loho na mizoyo na lukuli kutali na ubananzi wowose, mna ikipindi cha kubwela Mndewa wetu Yesu Kilisito.

1 Wasesalonike 5:25

Ndugu zetu, mutupulile kwa Imulungu.

Waebulania 11:4

Kutamanila ako kumtendile Habili yamulavile Imulungu nhosa inogile kubanza Kaini. Kutamanila kwake kumtenda yatogoligwe na Imulungu kamba kanoga, kwavija Imulungu mwenyego kazigwaa nhogolwa nhunza zake. Kwa kutamanila kwake hata kamba Habili kafa, mbuli zake ziyatendile zing'hali zotufunza.

Waebulania 11:7

Kwa kutamanila Nuhu viyazumigwe na Imulungu mbuli ya vinhu va kumwande yang'hali hanavona, kamtegeleza Imulungu kazenga safina na kakomboligwa na wanhu wa lubuga lwake. Kwa kutamanila Nuhu katendigwa kanoga mgameso ga Imulungu lakini wanhu wose wa mwiisi oneka kamba wabananga.

Waebulania 12:13

Gendeleleni kutenda nzila zigoloke, ili magulu gasiguke sikugagendelele kulemala lakini gahonyigwe.

Waebulania 13:18

Tupulileni kwa Imulungu. Tojuwa mizoyo yetu haitutagusa kuwa tubananga, kwavija tolonda kutenda ganogile mna izimbuli zose.

Yoshua 10:12

Kipindi acho Yoshua kamulongela Mndewa Imulungu mgameso ga Waizilaeli wose mna isiku ayo Mndewa Imulungu viyawagelile Waamoli mmakono ga Waizilaeli, “Gweye zuwa ima ako Gibeoni, gweye mbalamwezi ima ako kubonde da Aiyaloni.”

1 Petulo 2:24

Heyo mwenyego kazipapa nzambi zetu muulukuli lwake mumsalaba, ili tufe kwa nzambi na tuwe wagima kwa ganogile. Kwa kulumizigwa kwake mweye muhonyigwa.

1 Yohana 3:22

Kumwake tobokela chochose kitumpula, kwavija togagoga malagizo gake na kutenda gaja gomnogeza heyo.

1 Samweli 1:12

Hana viyakalile kogendelela kumpula Mndewa Imulungu, Eli kakala yolola mulomo wake.

1 Samweli 12:17

Kwavija mna ikipindi kino cha kusenga ngano mvula kuduhu, avo nompula Mndewa Imulungu yagale mvula na ng'huwa, na mweye mojuwa mbuli zenu zihile zimumtendele Mndewa Imulungu, kwa kulonda muwe na mndewa wenu.”

1 Samweli 12:18

Avo Samweli kampula Mndewa Imulungu na heyo Mndewa Imulungu kagala mvula na ng'huwa siku ngima. Wanhu wose wamdumba Mndewa Imulungu na Samweli.