Yakobo 5:13 - Biblia Kikutu

¹³ Kamba munhu yoyose kumwenu kogaya, yampule Imulungu. Munhu yeli na deng'ho, yamwimbile Imulungu nyila za kumtogola.

Yakobo 5:13 ပူးပေါင်းရင်းမြစ်များ

Zabuli 105:2

Mwimbileni heyo, mwimbileni nhogolwa, walongeleni iwanhu sang'hano zake za unzonza.

Zabuli 118:5

Mmagazo gangu nimpula Mndewa Imulungu, heyo kanihulika na kandekesa.

Zabuli 18:6

Mmagazo gangu nimkema Mndewa Imulungu, nimulilila Imulungu wangu yanitaze. Kulawa mng'anda yake kahulika sauti yangu, na kililo changu kimvikila mmagwiti gake.

Zabuli 50:15

Unikeme siku ya magazo, na niye nokuhonya na gweye konitogola.”

Zabuli 91:15

Yahanikema nomwidika, nokuwa hamoja na heyo mmagazo, nomkombola na nomgwaa ukulu.

Zabuli 95:2

Tuchole kuulongozi wake kwa nhogolwa, tumdeng'helele kwa nyila.

Matayo 26:30

Abaho wemba lwila, wachola kuna Ulugongo lwa Mizeituni.

Luka 22:44

Kwa usungu mkulu uyakalile nao kampula ng'hani, mbaka fuguti dimulawa, fuguti jake dikala kamba madwendwe ga damu golagala hasi.

Luka 23:42

Abaho munhu ija kamulongela Yesu, “Yesu, ung'humbuke wahengila Muundewa wako!”

1 Wakolinto 14:15

Avo nhende choni? Nompula Imulungu kwa loho yangu, vivija nompula Imulungu kwa nzewele zangu na nokwimba kwa loho yangu, vivija nokwimba kwa nzewele zangu.

1 Wakolinto 14:26

Ndugu zangu, nofambula vino, mwahaiting'hana hamoja kumtambikila Imulungu, imoja kana nyila, iyagwe kofundiza, iyagwe kana ugubulo kulawa kwa Imulungu, iyagwe kana nhunza ya kulonga kwa ulonzi ukanganya, na iyagwe kofambula kija kilongigwe. Kila kinhu kiwe kwa kuwagangamiza wanhu waiting'hane.

Waefeso 5:19

Longeni kwa mbuli za zabuli na nyila na tenzi za kiloho, mwimbileni Mndewa nyila na zabuli kwa kumgwaa nhogolwa mmizoyo yenu.

Waebulania 5:7

Yesu viyakalile mwiisi ino kampula Imulungu kwa mahozi na kukemelela kwa gaja goyolonda kwa ija yodaha kumuhonya na ifa. Kwavija kakala muhole na kailava, avo Imulungu kamwidika.

Yakobo 5:10

Ndugu zangu, kwa mbuli ya kufunga umoyo mna gamagayo, waloleni watula ndagu wa Imulungu walongile usenga ulawile kwa Mndewa.

Ugubulo 14:3

Wakala okwimba lwila lwa sambi kuulongozi wa kigoda cha undewa na kuulongozi wa viumbe vine vili na ugima na waja iwavele. Kuduhu munhu yadahile kuifunza lwila lulo ila wanhu waja waiyeka laki moja na elufu alobaini na nne wakomboligwe mwiisi.

Ugubulo 7:10

Wakemelela ng'hani, “Ukombola olawa kwa Imulungu wetu, yokala mkigoda cha undewa, na vivija olawa kwa Mwanang'hondolo!”