Yakobo 5:11 - Biblia Kikutu

¹¹ Towakema wao wamweda kwavija wafunga umoyo. Muhulika Ayubu viyafungile umoyo na mojuwa Mndewa viyamtendele mbaka kuuhelelo. Kwavija Mndewa kana bazi ng'hani na muhole.

Yakobo 5:11 ပူးပေါင်းရင်းမြစ်များ

Zabuli 103:13

Kamba tata viyowonela bazi wanage, vivo Mndewa Imulungu viyowonela bazi iwanhu omdumba.

Zabuli 103:8

Mndewa Imulungu kamema bazi na ng'hekewa, hagevuzika himahima, heyo kamema unogelo hawishaga.

Zabuli 116:5

Mndewa Imulungu kana moyo unogile na kana haki, Imulungu wetu kamema bazi.

Zabuli 119:132

Unibwelele na unyonele bazi, kamba vuuwatendela iwanhu odinogela twaga jako.

Zabuli 145:8

Mndewa Imulungu kamema bazi na kana moyo unogile, hagevuzika hima hima, heyo kamema unogelo hawishaga.

Zabuli 37:37

Muloleni imunhu yelibule kitala na imunhu yanogile, kwavija imunhu yodinogela tindiwalo kana siku nyingi za kukala ako kumwande.

Zabuli 51:1

Go Imulungu, unyonele bazi, kamba unogelo wako hawishaga viwili mkulu, kamba vidili kulu bazi jako, ugasegese gehile gangu.

Zabuli 78:38

Hata ivo heyo kakala na bazi, kagela kumgongo gehile gao na hawabanange bule. Miyanza mingi kaikimila ng'hasiliki yake, na haibwinhile ng'hasiliki yake yose.

Zabuli 86:15

Lakini gweye Mndewa, kwa Imulungu umemile bazi na ng'hekewa, hugevuzika himahima, ila kumema unogelo hawishaga na kutamanilwa.

Zabuli 86:5

Gweye Mndewa gweye kunoga, na gweye kogela kumgongo, kumema unogelo hawishaga kwa iwanhu wose okukema.

Zabuli 94:12

Go Mndewa Imulungu, kamweda imunhu yozumwa na gweye, imunhu yofunzwa kwa malagizo gako.

Kulawa 34:6

Abaho Mndewa Imulungu kabita kuulongozi wa Musa kuno kolonga, “Niye na Mndewa Imulungu, Imulungu nimemile unogelwa na bazi, sigevuzika himahima nina moyo unogile na notamaniligwa.

Kupetigwa 14:18

‘Niye Mndewa Imulungu sigevuzika himahima, nimema bazi na nogela kumgongo nzambi na gehile. Lakini sileka kuwakoboza wana na wazukulu mbaka ulelo wa kadatu na wa ikane kwa nzambi za iwahenga zao.’

Matayo 10:22

Wanhu wose owehila mweye mbuli ya twaga jangu. Lakini yoyose yonda yafunge umoyo mbaka kukimambukizo, kokomboligwa.

Luka 1:50

Kulawa lukolo na lukolo, kowonela bazi wanhu wose omtegeleza.

Luka 11:10

Kwavija waja wose ompula Imulungu ogweleligwa, na waja ozahila opata, na lwivi lovuguligwa kwa munhu yoyose yogong'onda.

Luka 6:36

Muwe na bazi kamba vija Tataenu viyeli na bazi.”

Walumi 2:4

Hebu kowehula uhole wake mkulu na viyoleka kulopola kuwatagusa wanhu na kufunga umoyo kwake. Hujuwa bule uhole wa Imulungu okulongoza uleke nzambi na umbwelela Imulungu?

Waefeso 1:6

Tumtogole Imulungu mbuli ya ng'hekewa yake inogile iyatugwelele, kubitila Mwanage iyamnogele!

Waefeso 2:4

Lakini Imulungu kana bazi ng'hani. Na katunogela kwa unogelwa mkulu,

Waebulania 10:39

Siye hatuigalile na wanhu waja obwela kuchugu na kunangigwa. Lakini togendelela kutamanila na kukomboligwa.

Waebulania 3:14

Kwavija siye wose hamoja twa mgati ya Kilisito Mkombola kamba twahagogeleza goya mbaka kuuhelelo kija kitutamanile aho haichanduso.

Waebulania 3:6

Lakini heyo Kilisito kotamaniligwa kamba Mwana yeli na udahi kwa wanhu weli ng'anda ya Imulungu. Siye wao ng'anda yake kamba twahagendelela kuwa magalu na kugangamala mna iditamanilo dituigodela.

Yakobo 1:12

Kamweda munhu ija yofunga umoyo kipindi yahagezigwa, kwavija yahagangamala kobokela fungu da ugima uyalongile Imulungu kowagwaa wanhu omnogela.

Yakobo 1:2

Ndugu zangu deng'heleleni, mwahagezigwa miyanza mingi,

1 Petulo 1:13

Avo mugese goya na muitande kusang'hana, muilongoze goya wenyego. Ikeni tamanilo jenu mna ing'hekewa yonda mugweleligwe vonda yabwele Yesu Kilisito.

1 Petulo 3:14

Lakini hata kamba mwahagaya kwa kutenda ganogile mmweda! Sikumudumbe kija kiwodumba hewo na sikumunyawenyawe.

2 Petulo 2:9

Kamba vino vivo ili, avo Mndewa kojuwa vonda yawahonye mna ukugezigwa kwao wanhu omtegeleza, na kojuwa vonda yaweke wanhu otenda gehile mna ukubanangigwa mbaka siku ya nhaguso.