Yakobo 4:8 - Biblia Kikutu

⁸ Mkweseleni behi Imulungu nayo kowakwesela behi. Sunheni makono genu mweye wene nzambi. Sunheni mizoyo yenu, mweye watapitapi!

Yakobo 4:8 ပူးပေါင်းရင်းမြစ်များ

Mwanduso 18:23

Abaho Abulahamu kamcholela Mndewa Imulungu, kamuuza, “Vino, kweli kochola kuwakoboza wanogile hamoja na wene nzambi?

Zabuli 119:113

Nowehila iwanhu watapitapi, ila noganogela malagizo gako.

Zabuli 145:18

Mndewa Imulungu kabehi na wose omkema, kabehi na wose omkema kwa kweli.

Zabuli 18:20

Mndewa Imulungu kanhendela kamba haki yangu viili, kanhunza kwavija makono gangu gabule ubananzi,

Zabuli 24:4

Imunhu yeli na makono mazelu na moyo mzelu, imunhu havizaga, na imunhu haiduwila kwa uvizi.

Zabuli 26:6

Go Mndewa Imulungu, nonawa makono gangu kulagusa sitendile dihile, nouzunguluka upango wako wa nhosa.

Zabuli 51:10

Gweye Imulungu unilumbile moyo ung'alile, uilumbe kabili loho itindiwale mgati mmwangu.

Zabuli 73:13

Nigaya bule kuwika moyo wangu unogile, na kunawa makono gangu sikuniwe na kitala.

Zabuli 73:28

Kumwangu niye kukala behi na Imulungu kinhu kinogile, nimtenda Mkulu Mndewa Imulungu kimbililo jangu, nolonga gose gausang'hane.

Matayo 12:33

“Matunda ganogile golawa mdibiki dinogile, wahawa na biki dihile kokuwa na matunda gehile. Kwavija biki dojuwika kwa matunda gake.

Matayo 15:2

“Habali wanahina zako hawakweleleza mafundizo gatugweleligwe na wahenga zetu? Hawasunha makono gao kamba viilondigwa wang'hali hawanakuja.”

Matayo 27:24

Pilato viyone hadaha kutenda mbuli yoyose, na wanhu wasonga kuding'huka, kasola mazi, kasunha makono gake mgameso ga lunhu luja, kalonga, “Niye namduhu kwa damu ya munhu ino, ajo jenu wenyego!”

Sang'hano 15:9

Imulungu hatubagule bule siye na wao, kaisunha mizoyo yao kwavija wamtogola Yesu.

2 Wakolinto 7:1

Mbwiga zangu niwanogela, gaja gose gayalongile Imulungu ni mbuli ya siye. Avo tusunhe dikwe da ng'huli zetu hebu mizoyo yetu, tung'ale ng'hani na tumtegeleze Imulungu.

1 Timoseo 2:8

Avo mwahaiting'hana kumtambikila Imulungu, nolonda wanhu wailavile kwa Imulungu na odaha kwinula makono gao na kumpula Imulungu bila kugevuzika hebu bamila.

Waebulania 10:22

Avo tumkwesele behi Imulungu kwa moyo unogile na kugangamala mna ditamanilo na mizoyo isunhigwe kulawa mna gamagesa gehile na ng'huli zisunhigwe kwa mazi mazelu.

Waebulania 7:19

Kwavija malagizo gago hagadahile kuvikiza kila kinhu. Na sambi dikigwa tamanilo dinogile ng'hani donda ditugale behi na Imulungu.

Yakobo 1:8

kwavija munhu ayo hagangamale bule na kotanga tanga mzimbuli zose zoyotenda.

Yakobo 3:17

Lakini nzewele ilawa kuulanga tanhu isunhigwa, na vivija ina tindiwalo na unogelwa na uhole, yowagelegeza wayagwe na imema bazi na yotenda ganogile, haibagula wanhu na yabule utapitapi.

1 Petulo 1:22

Na sambi mweye kwa kuugoga ukweli musunhigwa, na muwanogela kwa ukweli ndugu zenu, avo muinogele kwa mizoyo yenu yose.

1 Petulo 3:21

Na mazi gago sambi golagusa ubatizo, awo uwakombola. Siyo kwa kusunha dikwe da lukuli lakini lagano kwa Imulungu ditendigwa kwa moyo unogile kumwake. Ubatizo owakombola kwa kuzilibuka kwa Yesu Kilisito,

1 Yohana 3:3

Munhu yoyose yomtamanila Kilisito koisunha, kamba vija Kilisito viyaisunhile.

1 Samweli 14:35

Baho Sauli kamzengela upango Mndewa Imulungu. Awo ukala upango wa ichanduso wa Sauli kumzengela Mndewa Imulungu.