Yakobo 4:6 - Biblia Kikutu

⁶ Lakini ng'hekewa iyotugwaa Imulungu ina nguvu ng'hani. Kamba Maandiko vigalonga, “Imulungu kowalema wanhu oitapa, lakini kowagwaa ng'hekewa wanhu wahole.”

Yakobo 4:6 ပူးပေါင်းရင်းမြစ်များ

Zabuli 138:6

Hamoja Mndewa Imulungu ka uchanha, komulola goya munhu yabwezigwe hasi, lakini komtanga munhu yoitapa kulawa kutali.

Zabuli 9:12

Kwavija ayo yolihaga mbuli ya kwita damu kokumbuka, haisemwile ikililo cha wakiwa.

Kulawa 18:11

Sambi nojuwa kamba Mndewa Imulungu iyo mkulu kubanza milungu yose, kwavija kawakombola Waizilaeli kulawa mmakono gawa Misili wakalile owabezeli.”

Nongezi 15:33

Kumdumba Mndewa Imulungu ago mafundizo ga ubala, ung'hali ukulu haunakwiza tanhu olongola uhole.

Nongezi 18:12

Kuitapa kwa moyo kogala kunangigwa, lakini uhole ogala kutegelezwa.

Nongezi 22:4

Wahamdumba Mndewa Imulungu na kuwa muhole, kopata nhunza na kutogoligwa na ugima.

Nongezi 29:23

Kibuli cha munhu chomtenda yabezigwe, lakini yeli muhole kotegelezigwa.

Nongezi 3:34

Heyo kowabezeli weli na bezi, lakini kowagwaa ng'hekewa waja oibwanha hasi.

Matayo 13:12

Kwavija munhu yoyose yeli na kinhu kokongezelwa ng'hani, lakini ija yelibule kinhu kobokigwa hata kija kidodo kiyelinacho.

Matayo 23:12

Munhu yoyose yoitenda mwenyego mkulu kotendigwa mdodo, na munhu yoyose yoitenda mwenyego mdodo kotendigwa mkulu.

Luka 1:52

Kawahumulusa wandewa mna ivigoda vao va undewa, na kawenula wahole.

Luka 14:11

Kwavija waja wose oitenda wenyego wanhu wakulu otendigwa wanhu wadodo, na waja oitenda wenyego wanhu wadodo otendigwa wanhu wakulu.”

Luka 18:14

Nowalongela, mbokela kodi ija kachola ukae kumwake kuno katendigwa kanoga mgameso ga Imulungu kubanza ija Mfalisayo. Kwavija wose oitenda wanhu wakulu ohumulusigwa, na waja oihumulusa otendigwa wanhu wakulu.”

Yakobo 4:10

Igweni kuulongozi wa Mndewa na mumtamanile nayo kowenula uchanha.

1 Petulo 5:5

Vivija na mweye wabwanga wategelezeni wavele. Mweye mose molondigwa sikumuitonge wenyego na muisang'hanile, kamba vigalonga Maandiko, “Imulungu kowalema wanhu oitapa, lakini kowagwaa ng'hekewa wanhu wahole.”

1 Samweli 2:3

Lekeni kuitapa, lekeni kulonga bezi. Kwavija Mndewa Imulungu ayo Imulungu yojuwa gose, kubitila heyo gose gotendwa gopimigwa.