Yakobo 4:4 - Biblia Kikutu

⁴ Mweye wanhu hamutamaniligwa! Vino hamujuwile bule kamba kuinogela isi ino kuko kuihila na Imulungu? Munhu yoyose yoinogela isi ino koihila na Imulungu.

Yakobo 4:4 ပူးပေါင်းရင်းမြစ်များ

Mwanduso 3:15

Nokutenda gweye na mtwanzi mwiihile, ulelo wako na ulelo wake oihila, heyo kokuhonda pala jako, na gweye kokiluma kisiginho chake.”

Zabuli 21:8

Mkono wako owazahila iwanhu okwihila, mkono wako wa ukudila owazahila iwanhu wose okulema.

Zabuli 50:18

Uhamona mbavi koilumba na heyo, koilumba na wagoni.

Zabuli 73:27

Wose okala kutali na gweye obanangwa, kowabananga wose hawakutamanila gweye.

Matayo 12:39

Yesu kawedika, “Mweye wanhu wa lukolo lwa sambi, mwihile na hamumjuwile Imulungu molonda kilaguso? Bule! Kuduhu kilaguso chonda mugweleligwe, ila kilaguso cha mtula ndagu wa Imulungu Yona.

Matayo 16:4

Lukolo lwa sambi lwihile na lulibule kutamanila molonda kilaguso! Lakini kuduhu kilaguso chonda mugweleligwe kubanza kija cha Yona.” Yesu kawaleka baho, kasegela.

Matayo 6:24

“Kuduhu munhu yodaha kuwasang'hanila wakulu wabili, kwavija komwihila imoja na kumnogela iyagwe, hebu koilumba na imoja na kumbeza iyagwe. Hamudaha kumsang'hanila Imulungu hamoja na mali.

Luka 19:27

Na sambi, waja wanihile, ondema niye niwe mndewa wao, wagaleni hano, muwakome bahano mgameso gangu!’ ”

Yohana 15:19

Maza muli wanhu wa mwiisi, baho wanhu wa mwiisi wahawanogele mweye kamba wanhu wa kumwao. Lakini niwasagula mweye hagati ya wanhu wa mwiisi, na hamwili wanhu wa mwiisi, lekaavo wanhu wa mwiisi owehila.

Yohana 17:14

Niwagwelela usenga wako, na wanhu wa mwiisi wawehila, kwavija haweli wanhu wa mwiisi, kamba niye vinili siyo wa mwiisi.

Yohana 7:7

Wanhu wa mwiisi hawawehila mweye, lakini onihila niye, kwavija siku zose nowalongela gaja goyotenda ganyolodoka.

Walumi 5:10

Vitukalile tuihila na Imulungu, tuilumba nayo kubitila ifa ya mwanage. Sambi tuilumba na Imulungu, yokuwa vinoga ng'hani na kweli tokomboligwa kwa ugima wa Kilisito.

Walumi 8:7

Wanhu okweleleza vilulonda lukuli oihila na Imulungu. Kwavija hawagagoga Malagizo ga Imulungu na hawadaha kugagoga.

1 Wakolinto 1:20

Avo, kakwahi yeli na nzewele? Hebu mfundiza Malagizo ga Musa? Hebu wakulu wa kuibamilila wa kipindi kino? Imulungu kaitenda nzewele ya wanhu wa mwiisi ino ubozi!

1 Wakolinto 1:21

Kamba viili nzewele ya Imulungu, wanhu wa mwiisi hawadaha kumjuwa heyo kubitila nzewele zao wenyego. Lakini Imulungu kanogelwa kuwakombola waja omtogola kubitila usenga awo utuwapetela na ukoneka kwa wanhu weli na nzewele kamba ubozi.

Wagalatia 1:10

Vino vinongile vino nolonda kutogoligwa na wanhu? Haili vivo bule! Niye nolonda kutogoligwa na Imulungu! Vino, niye nolonda kuwanogeza wanhu? Maza nhendile vivo, sambi niwe msang'hanaji wa Kilisito.

Yakobo 1:27

Kutambika kunogile na hakufitile mgameso ga Imulungu Tata uko kuno, kuwataza wana iwakiwa na kuwataza wagane mmagayo gao na kuilolesa mwenyego sikuunangigwe na mbuli za mwiisi ino.