Yakobo 3:5 - Biblia Kikutu

⁵ Vivo ili kwa lulimi hamoja ni maungo madodo ga lukuli, lakini loitapa kwa mbuli ng'hulu. Vivija geseni viili kwa muhulo mkulu olukuzigwa kwa sese ndodo ya moto!

Yakobo 3:5 ပူးပေါင်းရင်းမြစ်များ

Zabuli 10:3

Munhu yehile koigodela kusulukila mmoyo wake, munhu mmelo komduwila na komuliga Mndewa Imulungu.

Zabuli 17:10

Awo wabule bazi mmizoyo yao, wamema mbuli za kuitapa.

Zabuli 39:1

Nilonga, “Noilola goya, sambi nitende gehile kwa lulimi lwangu, nofunga mulomo wangu sikunilonge siku zose iwanhu wehile viweli behi na niye.”

Kulawa 15:9

Ija yatwihile kalonga, ‘Nowakweleleza na nowagoga, Noigolela vinhu vao kamba vinonda, Nosomola sime jangu, na nowabananga kwa mkono wangu.’

Kulawa 5:2

Lakini Falao kawauza, “Mndewa Imulungu ayo nani mbaka nimtegeleze na niwaleke Waizilaeli wasegele? Niye simjuwile bule ayo Mndewa Imulungu, na siwaleka Waizilaeli wasegele.”

Nongezi 12:18

Mbuli za chaka chaka zolumiza kamba sime, lakini mbuli za munhu yeli na ubala zohoneza kilonda.

Nongezi 15:2

Lulimi lwa munhu yeli na ubala lolonga goya mbuli za kutanga vinhu, lakini kulawa mmulomo wa munhu mbozi kokwita ubozi.

Nongezi 18:21

Lulimi luna udahi wa kugala ifa na ugima, na waja onogelwa kuusang'hanila oja matunda gake.

Nongezi 26:20

Kamba habule ngodi moto ofa, kamba habule mdetaji ugomvi omala.

Yakobo 3:4

Hebu geseni ngalawa hamoja na ukulu wake na yosung'higwa na beho, lakini yolongozigwa na ng'hafi kokose koyolonda mulosaji.

2 Petulo 2:18

Olonga mbuli za kuitapa na za kibozi, kwa kusulukila kwihile kwa ng'huli, owahonza wanhu waja wasongile kuinega na waja okala kwa kutenda gehile.

Yuda 1:16

Siku zose wanhu wano onung'unika na kuiyalala, okweleleza kusulukila kwao kwihile, oitapa wenyego na kuwatogola ng'hani wanhu wayagwe ili wapate kiwolonda.