Yakobo 1:9 - Biblia Kikutu

⁹ Munhu yamtogole Yesu kuno mkiwa yadeng'helele kipindi Imulungu vonda yamwinule,

Yakobo 1:9 ပူးပေါင်းရင်းမြစ်များ

Zabuli 62:9

Iwanhu wose kamba mhumuzi, wose wakulu kwa wadodo hawafaya kinhu. Uhawapima hawavika kilo imoja, hewo wose wabewe kubanza mhumuzi.

Nongezi 17:5

Yomzeha mkiwa, komuliga yamulumbile, na yoideng'helela ndilo honda yalekigwe kutagusigwa.

Nongezi 19:1

Vinoga kwa mkiwa yogenda mnzila igoloke, kubanza mbozi yolonga mbuli hazifaya.

Luka 1:52

Kawahumulusa wandewa mna ivigoda vao va undewa, na kawenula wahole.

Luka 10:20

Lakini sikumudeng'helele kwavija vinyamkela owategeleza, ila deng'heleleni kwavija matwaga genu gandikigwa kuulanga.”

Luka 14:11

Kwavija waja wose oitenda wenyego wanhu wakulu otendigwa wanhu wadodo, na waja oitenda wenyego wanhu wadodo otendigwa wanhu wakulu.”

Luka 9:48

Abaho kawalongela wanahina zake, “Munhu yoyose yombokela mwana ino kwa twaga jangu, konibokela niye, na munhu yoyose yombokela niye, kombokela ija yanhumile. Kwavija munhu yeli mdodo vimwili, ayo munhu mkulu kubanza wose.”

Walumi 8:17

Kwavija siye twa wanage, kotugwaa ganogile gayawekile wanhu zake, vivija siye hamoja na Kilisito topata gaja gayamwikile, kamba tugaya nayo, vivija toupata ukulu wake.

2 Wakolinto 6:10

Tunyunyuwala lakini siku zose todeng'helela, twa wakiwa lakini towatenda wanhu bwando wawe wagoli, tokoneka twabule kinhu lakini kila kinhu chetu.

Kumbukumbu 15:11

Kwavija wanhu wakiwa na waja welibule kinhu hawaswela bule mwiisi, avo nowalagiza muwe na moyo unogile kwa ndugu zenu welibule kinhu na waja weli wakiwa mwiisi yenu.

Kumbukumbu 15:7

“Kamba hagati yenu mweye hana ndugu yenu mkiwa, mna idibuga da isi ayo Mndewa Imulungu, Imulungu wenu iyowagwaa, sikumuwe wagila na sikumuleme kumtaza.

Kumbukumbu 15:9

Muiteganye, sikumugelegeze vihile mmizoyo na kulonga, ‘Mwaka wa saba, umwaka wa kufuta madeni wammabehi,’ avo momgelegeza vihile ndugu yenu yeli mkiwa na hamumgwaa kinhu chochose, na heyo kodaha kumulilila Mndewa Imulungu mbuli yenu na mweye mokuwa na nzambi.

Wafilipi 3:14

Avo nolopola kukimbila mvike kuuhelelo ili mhate fungu da ugima wa kuulanga diyanikemele Imulungu kubitila Yesu Kilisito.

Wafilipi 3:3

Siye wao twingile kumbi kweli, siye tumtambikila Imulungu kwa Loho wake na toigodela Yesu Kilisito. Siye hatuigodela kihendo kitendigwa mulukuli.

1 Petulo 2:9

Lakini mweye mwa wanhu musaguligwe, walava nhosa wa kindewa na wanhu wa isi ing'alile, wanhu wa Imulungu, ili mupete mbuli za unzonza ziyatendile, kawakema mulawe mdiziza mwize mmulenge wa kukanganya.

Ugubulo 2:9

Nigajuwa magazo gako, vivija niujuwa ukiwa wako, hamoja ukweli gweye kwa mgoli! Nijuwa vija viwakubezile waja oikema Wayahudi lakini siyo Wayahudi wao kibumbila cha Mwenembago!

1 Samweli 2:8

Kowenula wakiwa kulawa mditimbwisi, na kowenula welibule kinhu kulawa kudilundo da mitozi, na kowatenda wakale na iwakulu, na wahazi ivigoda va ukulu. Kwavija mhanda za isi yose za Mndewa Imulungu, uchanha yake keka isi yose.”