Yakobo 1:6 - Biblia Kikutu

⁶ Lakini yahampula yatamanile na sikuyawe na shaka, kwavija munhu yoyose yokona shaka kaigala na ng'humbi ya bahali isoligwa na beho kuno na kuno.

Yakobo 1:6 ပူးပေါင်းရင်းမြစ်များ

Mwanduso 49:4

gweye kuigala na mazi ga sika kulu, lakini honda uwe mkulu kabili, kwavija kumuwasa msang'hanaji wangu yeli kamba mwehe wangu, gweye kulufitiza lusazi lwangu.”

Matayo 14:28

Petulo kamulongela, “Mndewa, kamba ayo gweye, longa nize kumwako kwa kutembela uchanha mgamazi.”

Sang'hano 10:20

Avo sikuunyawenyawe, itande uchole nao, kwavija niye iyo niwatumile.”

Waefeso 4:14

Avo hondatuwe wana kabili, twahasigwa na kuhembelusigwa kuno na kuno na beho da wanhu ofundiza uvizi ili wawagize wanhu wayagwe kwa ubala.

1 Timoseo 2:8

Avo mwahaiting'hana kumtambikila Imulungu, nolonda wanhu wailavile kwa Imulungu na odaha kwinula makono gao na kumpula Imulungu bila kugevuzika hebu bamila.

Waebulania 10:23

Avo tolondigwa tudigoge ng'hani tamanilo jetu ditulonga kwa milomo yetu, kwavija ija ituilagane nayo kotamaniligwa.

Waebulania 11:6

Bila kutamanila, kuduhu munhu iyodaha kumnogeza Imulungu, kwavija munhu yoyose iyomcholela Imulungu kolondigwa yatogole kamba Imulungu kauko na kowagwaa nhunza wanhu waja omzahila kwa kuwamba.

Waebulania 13:9

Sikumuviziligwe kwa mafundizo gayagwe gowatenda muchole kuno na kuno. Kwavija mizoyo yenu yolondigwa igangamizigwe kwa ng'hekewa ya Imulungu, siyo kugagoga malagizo ga ndiya, wanhu wose wagogile malagizo gano wagaya bule.

Yakobo 1:7

Munhu kamba ayo sikuyagese kodaha kupata kinhu chochose kulawa kwa Mndewa,

Yakobo 5:15

Avo wahapula kwa kutamanila mtamu ayo kohonyigwa, na Mndewa komtenda yakone goya, na kamba katenda nzambi, zogeligwa kumgongo.

2 Petulo 2:17

Awo wafundiza wa uvizi waigala na nzasa zinyalile, na kamba kungugu dihembelusigwa na beho. Ziza baho hanhu hao hakukala hawekiligwe na Imulungu.