Yakobo 1:19 - Biblia Kikutu

¹⁹ Ndugu zangu niwanogela, kumbukeni mbuli ino! Kila munhu yabuhe kuhulika, sikuyabuhe kulonga hebu kugevuzika.

Yakobo 1:19 ပူးပေါင်းရင်းမြစ်များ

Nongezi 10:19

Heli na mbuli nyingi hokuwa na gehile, lakini youkimila lulimi lwake kana nzewele.

Nongezi 13:3

Munhu yokaliza mulomo wake kokaliza ugima wake, lakini mulopo koibananga mwenyego.

Nongezi 14:17

Yogundumuka himahima kosang'hana ubozi, na munhu yopanga gehile kokwihiligwa.

Nongezi 14:29

Munhu yoleka kugevuzika himahima kotanga goya, yogevuzika himahima kolagusa ubozi.

Nongezi 15:18

Munhu yogevuzika himahima kogala ndwagi, lakini yoleka kugevuzika himahima kolamula ndwagi.

Nongezi 15:2

Lulimi lwa munhu yeli na ubala lolonga goya mbuli za kutanga vinhu, lakini kulawa mmulomo wa munhu mbozi kokwita ubozi.

Nongezi 16:32

Yoleka kugevuzika himahima vinoga kubanza munhu yeli na nguvu, yoitawala loho yake kanoga kubanza munhu yodiboka buga.

Nongezi 17:14

Kusonga ugomvi kuigala na kugavugulila mazi, avo lekeni ugomvi ung'hali haunakangala.

Nongezi 17:27

Yoikimila kulonga kotanga vinhu, na munhu muhole kana nzewele.

Nongezi 18:13

Heyo yokwidika bila kutegeleza, awo ubozi na kinhu kigela kinyala.

Nongezi 18:21

Lulimi luna udahi wa kugala ifa na ugima, na waja onogelwa kuusang'hanila oja matunda gake.

Nongezi 19:11

Yeli na nzewele hagevuzika himahima, kuzigela kumgongo mbuli za wanhu awo ukulu wake.

Nongezi 19:19

Munhu yeli na ng'hasiliki ng'hulu kopata nhaguso, kwavija wahamulekela mwanza umoja kolondigwa umulekele kabili.

Nongezi 21:23

Munhu youkimila mulomo wake na lulimi lwake, koinega na madununzo.

Nongezi 25:28

Kamba buga dilibule ukalizi kipindi vidivamiligwa, vivo viili kwa munhu yolemelwa kuikimila ng'hasiliki yake mwenyego.

Nongezi 29:20

Wahamona munhu kohabuka chakachaka, kuna tamanilo kwa zozolo kubanza heyo.

Kupetigwa 22:27

Ayo ikihongwe viyamone msenga ayo wa Mndewa Imulungu kema aho, kawasa hasi. Balaamu kagevuzika, kamtowa kwa fimbo yake.

Matayo 5:22

Lakini niye nowalongeleni munhu yoyose yomwihila ndugu yake kotagusigwa. Munhu yoyose yombeza ndugu yake kolondigwa yagaligwe kukitala, na munhu yoyose yomkema ndugu yake, ‘Mbozi!’ ayo kolondigwa yengile muumoto wa jehanamu.

Maluko 12:37

“Avo Daudi mwenyego kamkema, ‘Mndewa.’ Avo Kilisito Mkombola kodahaze kuwa mwana wa Daudi?” Lunhu lwa wanhu lukala lumtegeleza Yesu kwa kudeng'helela.

Maluko 2:2

Wanhu wengi waiting'hana hamoja mbaka kukala kuduhu gati disigale, wamema mbaka kuluhelengo. Yesu kakala kowapetela mbuli.

Luka 15:1

Siku dimoja wabokela kodi wengi na wanhu wayagwe otenda nzambi wachola kumtegeleza Yesu.

Luka 19:48

lakini hawadahile bule kutenda avo, kwavija wanhu wose wakala omtegeleza goya, hawalondile kuswela mbuli.

Sang'hano 1:15

Siku dimoja Petulo kema mumting'hano wa wanhu wamtogole Yesu. Wanhu awo wakala ovika gana dimoja na malongo mabili.

Sang'hano 10:33

Avo bahaja niwatuma wanhu kumwako, na kutenda goya viwizile. Sambi wose twabaha haulongozi wa Imulungu, tobetela kuhulika mbuli yoyose yakulagize Mndewa ulonge.”

Sang'hano 13:48

Wanhu haweli Wayahudi viwahulike avo, wadeng'helela na walonga usenga wa Mndewa unoga, na wanhu wose wasaguligwe kuupata ugima wa milele wamtogola Yesu.

Sang'hano 17:11

Wanhu wa Beleya wakala otegeleza vinogile ng'hani kubanza wanhu wa Sesalonike. Wauhulika usenga awo kwa kusulukila, kila siku wakala ogalolesa goya Maandiko Gang'alile, one kamba Paulo kakala yolonga kweli.

Sang'hano 2:42

Wagendelela kufundizigwa na watumigwa, wakala kimbwiga na kuja gate hamoja na kumpula Imulungu.

Waefeso 4:26

Mwahagevuzika, sikumutogole kugevuzika kwenu kuwatende mutende nzambi, na sikumukale na ng'hasiliki kutwa ngima.

Waefeso 4:31

Sikuukone usungu, sikumuding'huke na kugevuzika. Sikumuibamilile hebu kuiliga, sikumuihile kwa mbuli yoyose.

Wakolosai 3:15

Najo tindiwalo da Kilisito diwalongoze mmizoyo yenu, kwavija mbuli ya tindiwalo dijo Imulungu kawakemeni hamoja mna ulukuli lumoja. Avo muwe na nhogolwa.

Wakolosai 3:8

Lakini sambi molondigwa kuzileka mbuli zose zino, kugevuzika, ludoko, kuwagesela wanhu gehile. Maligo hebu mbuli za chaka chaka sikuvilawe mmilomo yenu.

1 Wasesalonike 2:13

Avo, siye togendelela kumgwaa nhogolwa Imulungu, kwavija mweye vimuihulike Mbuli Inogile kulawa kumwetu muitogola kamba usenga wa Imulungu siyo kamba usenga wa wanhu, kwavija mbuli ya Imulungu ayo isang'hana mgati mmwenu mweye mutogole.

Yakobo 1:16

Ndugu zangu iniwanogela, sikumuviziligwe.

Yakobo 1:2

Ndugu zangu deng'heleleni, mwahagezigwa miyanza mingi,

Yakobo 1:26

Kamba munhu yoyose kogesa komtambikila Imulungu na hadaha kululongoza lulimi lwake, kumtambikila kwake Imulungu mduhu kinhu na koivizila mwenyego.

Yakobo 2:1

Ndugu zangu, mweye mumtogola Mndewa Yesu Kilisito, Mndewa wa ukulu, avo sikumuwabagule wanhu.

Yakobo 2:5

Ndugu zangu niwanogela, tegelezeni! Imulungu kawasagula wanhu okoneka wakiwa mwiisi ili wawe wagoli mditamanilo na wengile muundewa uja uyawalongele kowagwaa wanhu omnogela.

Yakobo 3:10

Mmulomo umoja munhu kolonga mbuli za kutambikila na mbuli za kudumiliza. Ndugu zangu sambi iwe vivo.

Yakobo 4:11

Ndugu zangu, sikumuilonge vihile mweye kwa mweye. Munhu yoyose yomulonga vihile ndugu yake hebu kumtagusa kogalonga vihile malagizo na kugatagusa. Wahagatagusa malagizo hugagoga malagizo, lakini kogatagusa.

Yakobo 5:12

Ndugu zangu! Kubanza gose, sikumuiduwile. Sikumuiduwile kwa ulanga hebu kwa isi hebu kwa kinhu chochose kiyagwe. Mwahalonga, “Ona” Iwe ona, na “Bule” iwe bule, kamba siyo avo Imulungu kowatagusa.

Yakobo 5:19

Ndugu zangu, kamba imoja wenu yahaga kuujuwa ukweli, na iyagwe yahambweza,

1 Yohana 2:21

Siwandikila kwavija hamuujuwile ukweli, lakini nowandikila kwavija muujuwa na kuduhu uvizi ulawa muukweli.