Yakobo 1:12 - Biblia Kikutu

¹² Kamweda munhu ija yofunga umoyo kipindi yahagezigwa, kwavija yahagangamala kobokela fungu da ugima uyalongile Imulungu kowagwaa wanhu omnogela.

Yakobo 1:12 ပူးပေါင်းရင်းမြစ်များ

Mwanduso 22:1

Ako kumwande, Imulungu kamgeza Abulahamu, kamkema, “Abulahamu!” Abulahamu kamwidika, “Nabaha!”

Zabuli 11:5

Mndewa Imulungu, kowageza iwanhu wanogile, lakini kowehila iwanhu wehile na iwanhu wasede.

Zabuli 119:67

Ning'hali sinadununzwa niye ng'hala nyagile, lakini sambi niigoga mbuli yako.

Zabuli 119:71

Vinoga kumwangu kamba nigazika, avo niifunza malagizo gako.

Zabuli 119:75

Go Mndewa Imulungu, notanga kamba gweye kotagusa kwa haki, kwa kutamanilwa kwako kunikoboza.

Zabuli 5:11

Lakini wose okukimbilila gweye wadeng'helele, waleke wagute mizangi ya deng'ho siku zose. Uweke goya wose odinogela twaga jako, ili wadeng'helele mbuli yako.

Zabuli 94:12

Go Mndewa Imulungu, kamweda imunhu yozumwa na gweye, imunhu yofunzwa kwa malagizo gako.

Kulawa 20:6

Lakini nowatendela ganogile maelufu ga ulelo ga wanhu waja oninogela na kugagoga malagizo gangu.

Nongezi 17:3

Zahabu na shaba vopimigwa muumoto, lakini Mndewa Imulungu ayo yopima mizoyo ya wanhu.

Matayo 10:22

Wanhu wose owehila mweye mbuli ya twaga jangu. Lakini yoyose yonda yafunge umoyo mbaka kukimambukizo, kokomboligwa.

Matayo 25:34

Abaho Mndewa kowalongela waja wakalile mwambu wa mkono wake wa kudila, ‘Izoni mweye munogeligwe na Tatangu! Bokeleni uhazi wenu, undewa umutandiligwe tangu kulumbigwa kwa isi.

Luka 6:22

“Mmweda mweye kamba wanhu omwihilani, owalema, owaliga na kuwalonga vihile kwa mbuli ya Mwana wa Munhu!

Walumi 5:4

kufunga umoyo kogala kugangamala, na kugangamala kogala tamanilo.

Walumi 8:28

Tojuwa kuwa mna ivinhu vose Imulungu kosang'hana vinogile kwa waja omnogela Imulungu, waja yawakemile watende goyolonda.

1 Wakolinto 2:9

Lakini Maandiko golonga, “Mbuli zija hazinakoneka na munhu hebu kuhulikigwa, mbuli hazinagesigwa mmizoyo ya wanhu, mbuli azo Imulungu kawekila wanhu omnogela.”

1 Wakolinto 8:3

Lakini munhu yomnogela Imulungu, kojuwigwa na Imulungu.

1 Wakolinto 9:25

Kila mkimbilaji kowamba kuitanda goya ili yapate taji dibanangika, lakini siye totenda avo tupate taji dileka kubanangika.

Kumbukumbu 13:3

sikumutogole mbuli za mtula ndagu ayo hebu munhu ayo yalotaga nzozi. Kwavija Mndewa Imulungu, Imulungu wenu kowageza ili yajuwe kamba momnogela heyo Mndewa Imulungu, Imulungu wenu, kwa mizoyo yenu yose na kwa loho zenu zose.

Kumbukumbu 7:9

Avo, mujuwe kamba Mndewa Imulungu, Imulungu wenu heyo Imulungu yotamaniligwa, kogoga lagano jake na kolagusa unogelwa wake kwa maelufu ga ulelo kwa waja ogoga malagizo gake.

Kumbukumbu 8:2

Kumbukeni Mndewa Imulungu, Imulungu wenu viyawalongoze mmwanza mtali kubitila kuluwala kwa miyaka malongo mane, ili yawasegesele kuitapa na kawageza yagajuwe gaja geli mmizoyo yenu, kamba mogoga hebu hamugoga malagizo gake.

2 Timoseo 2:15

Wamba ng'hani kusang'hana ganogile mgameso ga Imulungu na uwe msang'hanaji yeliduhu kinyala kwa sang'hano yake, yofundiza goya usenga wa ukweli wa Imulungu.

2 Timoseo 4:8

Sambi nobetela kugweleligwa nhunza ya kuhuma, ya kutendigwa noge mgameso ga Imulungu. Mndewa yotagusa wanhu goya, konigwaa nhunza siku dijo. Si niye niiyeka, lakini na waja wose ombeta kwa kusulukila yalawilile.

Waebulania 10:32

Kumbukeni galawilile kumwenu baho umwaka vimugubuliligwe ukweli wa Imulungu, mugaya ng'hani lakini mugangamala.

Waebulania 11:17

b Kwa kutamanila Abulahamu kamulava mwanage Isaka yawe nhosa kipindi Imulungu viyamgezile. Abulahamu ayo yakalile yabokele kija kiyalongile Imulungu, lakini katogola kumulava mwanage yeli yaiyeka yawe nhosa,

Waebulania 12:5

Vino muisemwa mbuli za kugangamiza ziyowalongela Imulungu kamba mwa wanage? “Mwanangu, sikuutende mwangalo Mndewa yahakuzuma, na yahawakomhokela sikumubwele kuchugu,

Waebulania 6:15

Abulahamu kafunga umoyo kubetela na avo kabokela kija kiyalongile Imulungu.

Yakobo 2:5

Ndugu zangu niwanogela, tegelezeni! Imulungu kawasagula wanhu okoneka wakiwa mwiisi ili wawe wagoli mditamanilo na wengile muundewa uja uyawalongele kowagwaa wanhu omnogela.

Yakobo 5:11

Towakema wao wamweda kwavija wafunga umoyo. Muhulika Ayubu viyafungile umoyo na mojuwa Mndewa viyamtendele mbaka kuuhelelo. Kwavija Mndewa kana bazi ng'hani na muhole.

1 Petulo 3:14

Lakini hata kamba mwahagaya kwa kutenda ganogile mmweda! Sikumudumbe kija kiwodumba hewo na sikumunyawenyawe.

1 Petulo 4:13

Lakini deng'heleleni kwavija moilumba mna gamagayo ga Kilisito, ili mudeng'helele ng'hani kipindi vonda yabwele muukulu wake.

1 Petulo 4:14

Kamba moligigwa kwavija momtogola Kilisito, mumweda, kwavija Loho wa ukulu, yeli Loho wa Imulungu kokala na mweye.

1 Petulo 5:10

Mwahamambukiza kugaya kwa kipindi kidodo, Imulungu yeli na ng'hekewa yawakemile mweye muwe na fungu kwa kuilumba na Yesu Kilisito muukulu wake wa milele kowatenda mutelele na kowagangamiza na kowagwaa nguvu na kowatenda muwe kamba chandusilo.

1 Petulo 5:4

Avo kipindi vonda yabwele Msusilaji Mkulu, mobokela taji ya ukulu, hauvulala.

1 Yohana 4:19

Siye tuna unogelwa kwavija heyo kasonga kutunogela siye.

Ugubulo 2:10

Sikuudumbe gaja gonda gakutende ugaye. Tegeleza! Mwenembago kowageza na wanhu wayagwe kumwenu ogodekigwa mkifungo, na mogaya kwa siku longo, mukale kwa kutamaniligwa kwa chochose hata kamba kufa, na niye nowagwaa nhunza ya ugima.

Ugubulo 3:19

Niye nomkomhokela na kumkoboza munhu yoyose inimnogela. Avo, wamba kusang'hana ganogile na uleke nzambi zako.

Ugubulo 3:21

Munhu yonda yahume nomtenda yakale hamoja na nene mna ikigoda cha undewa, kamba vija niye vinihumile ng'hala hamoja na Tatangu mna ikigoda chake cha undewa.