Wasemi 9:7 - Biblia Kikutu

⁷ Yotamu viyapatile usenga awo, kachola na kema kulugongo lwa Gelizimu, kalonga kwa sauti ng'hulu, “Tegelezeni mweye ivilongozi wa Shekemu, na Imulungu yawategeleze mweye.

Wasemi 9:7 ပူးပေါင်းရင်းမြစ်များ

Mwanduso 37:6

Kawalongela, “Chonde, tegelezeni nzozi ino indotile,

Nongezi 21:13

Yosila magwiti ili sikuyahulike kililo cha mkiwa, na heyo vivija vonda yalile honda yategelezigwe.

Nongezi 28:9

Munhu yolema kugoga malagizo, munhu ayo hata kupula kwake ngevuzo kwa Imulungu.

Yohana 4:20

Wahenga zetu wamtambikila Imulungu kulugongo luno, lakini mweye Wayahudi molonga Yelusalemu aho hanhu holondigwa tumtambikile Imulungu.”

Kumbukumbu 11:29

Mndewa Imulungu, Imulungu wenu yahawavikiza mweye mwiisi yumuchola kuisola, mulonge mbuli za kumweda kulawa kulugongo lwa Gelizimu, na mulonge mbuli za makungu kulawa kulugongo lwa Ebali.

Kumbukumbu 11:30

Vigongo avo va ako umwambu wa lwanda lwa Yolidani, mwambu wa kudihongela zuwa wa inzila, mwiisi ya Wakanaani iwokala ako Alaba mwambu kwa mwambu na Giligali behi na mibiki mikulu ya Mole.

Kumbukumbu 27:12

“Mwahaloka ulwanda lwa Yolidani makabila gano geme kulugongo lwa Gelizimu kipindi mbuli za kutambika vizilongigwa, Simeoni na Lawi na Yuda na Isakali na Yusufu na Benjamini.

Yakobo 2:13

Kwavija Imulungu kotagusa bila bazi kwa munhu yoyose yelibule bazi. Lakini munhu yeli na bazi hadumba kutagusigwa.

Yoshua 8:33

Waizilaeli wose, iwanhu baki na iwenekae na iwavele wao na vilongozi na iwasemi wema mwambu kwa mwambu wa disanduku na Iwalawi, iwalava nhosa wadipapile disanduku da lagano da Mndewa Imulungu, nusu wema kuulongozi wa lugongo lwa Gelizimu na nusu wema kuulongozi wa lugongo lwa Ebali kamba Musa imsang'hanaji wa Mndewa Imulungu viyalagize aho haichanduso mbuli ya kuwatambikila Waizilaeli.

Wasemi 9:6

Ivilongozi wose wa Shekemu na Beti Milo waiting'hana kudibiki da mwaloni dikalile behi na mhanda ya dibwe ako Shekemu, wamtenda Abimeleki mndewa wao.

Wasemi 9:8

Siku dimoja, mibiki ichola kuzahila mndewa. Avo, iulongela mzeituni, ‘Ututawale!’