Wasemi 9:57 - Biblia Kikutu

⁵⁷ Vivija Imulungu kawatenda iwanhu wa Shekemu wakobozigwe kwa gehile gawatendile. Avo, makungu ga Yotamu mwanage Yelubaali gawapata.

Wasemi 9:57 ပူးပေါင်းရင်းမြစ်များ

2 Samweli 3:39

Hamoja munigidila mavuta niwe mndewa wenu, lakini lelo nabule nguvu. Wano wana wa Seluya wabanza usede, Mndewa Imulungu yawakoboze ng'hani mbuli ya usede wao.”

Zabuli 7:17

Nomgwelela nhogolwa Mndewa Imulungu mbuli ya haki yake, na noditogola twaga da Mndewa Imulungu, yeli Uchanha Ng'hani.

Zabuli 94:23

Heyo kowaliha kwa nzambi zao, na kowabananga kwa gehile gao, Mndewa Imulungu, Imulungu wetu kowabananga.

Nongezi 5:22

Gehile ga munhu yehile gomnamata heyo mwenyego, nzabi za nzambi zake zomfunga heyo mwenyego.

Yoshua 6:26

Yoshua kalonga mbuli za kuiduwila kuulongozi wa iwanhu, kawalongela “Yaduwiligwe na Mndewa Imulungu munhu yoyose yonda yadizenge kabili buga dino da Yeliko. Munhu yoyose yonda yazenge chandusilo cha buga dijo, mwanage wa chaudele yafe, munhu yoyose yonda yazenge ulwivi lwa buga dijo, mwanage kizuwanda yafe.”

Wasemi 1:7

Adoni Bezeki kalonga, “Wandewa malongo saba wakanhigwe imidole ng'hulu ya mmagulu na mmakono na wadondola vija visigale hasi ya meza yangu. Avo sambi Imulungu kaniliha kamba vinhendile niye.” Avo wamgala Yelusalemu, na heyo kafila kuko.

Wasemi 10:1

Viyafile Abimeleki kenuka Tola mwanage Pua, mzukulu wa Dodo, kulawa kabila da Isakali, keza kuwakombola Waizilaeli na heyo kakala ako Shamili mwiisi ya kuvigongo va Efulaimu.

Wasemi 9:20

Lakini, kamba siyo vivo, moto ulawe kwa Abimeleki na kuwasakaza ivilongozi wa Shekemu na Beti Milo, na moto ulawe kwa ivilongozi wa Shekemu na Beti Milo na umsakaze Abimeleki.”

Wasemi 9:24

Imulungu katenda vivo, kuliha indwagi itendigwe kwa iwana malongo saba wa Yelubaali, na damu yao ikalile mmakono ga ndugu yao Abimeleki ayo yawakomile, na vivija damu ayo ikala mmakono ga ivilongozi wa Shekemu awo wamgangamize Abimeleki yawakome ndugu zake.

Wasemi 9:45

Abimeleki kaitowa na iwenekae wa buga dijo siku ngima. Kadivamila dibuga na kuwakoma iwanhu wose wakalile mumo. Kadinaga dibuga na kadigela mkele.

Wasemi 9:56

Avo, vivo Imulungu viyamkoboze Abimeleki kwa gehile gayatendile kwa tatake kwa kuwakoma ndugu zake malongo saba.