Wasemi 9:28 - Biblia Kikutu

²⁸ Gaali, mwanage Ebedi, kalonga, “Abimeleki ayo nani? Siye hano Shekemu twa wanhu gani mbaka tumsang'hanile Abimeleki? Vino heyo siyo mwanage Yelubaali na Zebuli kekigwa yawe kilongozi? Mweye msang'hanileni Hamoli tatake Shekemu, sikumumsang'hanile Abimeleki.

Wasemi 9:28 ပူးပေါင်းရင်းမြစ်များ

Mwanduso 33:19

Hanhu aho kuyekile ng'hambi kahagula kulawa mulukolo lwa Hamoli tatake Shekemu kwa vihande gana va shaba.

Mwanduso 34:2

Baho, Shekemu mwanage Hamoli, Muhivi mkulu wa isi viyamone kamgoga kamuwasa kwa nguvu na kamgela kinyala.

Mwanduso 34:6

Hamoli tatake Shekemu, kamcholela Yakobo, kalonga nayo.

2 Samweli 20:1

Avo, kukala na munhu yehile ng'hani twaga jake Sheba mwanage Bikili, Mbenjamini, katowa mhalati yake kwa nguvu kalonga, “Twabule fungu kwa Daudi, Twabule kinhu kwa mwanage Yese. Mweye wanhu wa Izilaeli, Kila munhu yachole ukayake.”

Wasemi 9:26

Siku dimoja Gaali, mwanage Ebedi hamoja na ndugu zake wahamila ako Shekemu. Ivilongozi wa Shekemu wamtamanila.

Wasemi 9:41

Abimeleki kakala ako Aluma na Zebuli kamuwinga Gaali na ndugu zake sikuwakale kudibuga da Shekemu.

1 Samweli 25:10

Abaho Nabali kawalongela wasang'hanaji wa Daudi, “Daudi ayo nani? Mwanage Yese ayo nani? Siku zino kuna wasang'hanaji wengi iwokimbila wandewa zao.