Wasemi 9:24 - Biblia Kikutu

²⁴ Imulungu katenda vivo, kuliha indwagi itendigwe kwa iwana malongo saba wa Yelubaali, na damu yao ikalile mmakono ga ndugu yao Abimeleki ayo yawakomile, na vivija damu ayo ikala mmakono ga ivilongozi wa Shekemu awo wamgangamize Abimeleki yawakome ndugu zake.

Wasemi 9:24 ပူးပေါင်းရင်းမြစ်များ

Zabuli 7:16

Kilozo chake kimbwelela mdipala jake mwenyego, na ago gehile gake gombwelela mdindosi jake.

Zabuli 7:17

Nomgwelela nhogolwa Mndewa Imulungu mbuli ya haki yake, na noditogola twaga da Mndewa Imulungu, yeli Uchanha Ng'hani.

Kupetigwa 35:33

Mwahatenda vivo moifitiza isi yenu imukala, kwavija ukomaji oifitiza isi, na kuduhu nhosa yonda ilavigwe ili kuitenda ing'ale, isi ikomeligwe munhu ila kwa kumkoma imunhu yamkomile miyage.

Kumbukumbu 27:25

“ ‘Yaduwiligwe munhu yoyose yobokela hongo ili yamkome munhu hatendile dihile.’ Na wanhu wose wedike, ‘Ona!’

Wasemi 1:7

Adoni Bezeki kalonga, “Wandewa malongo saba wakanhigwe imidole ng'hulu ya mmagulu na mmakono na wadondola vija visigale hasi ya meza yangu. Avo sambi Imulungu kaniliha kamba vinhendile niye.” Avo wamgala Yelusalemu, na heyo kafila kuko.

Wasemi 9:25

Avo ivilongozi wa Shekemu weka wanhu wamvamile Abimeleki kulawa kunhembeti ya ivigongo. Wanhu awo wawaboka vinhu vao vose awo wabitile kuko. Abimeleki kalongeligwa mbuli ayo.

1 Samweli 15:33

Samweli kamulongela, “Kamba sime jako vidiwatendile watwanzi wengi sambi wawe na wana, vivo vonda iwe kwa mamako, kokuwa kabule wana.” Avo Samweli kamkanha kanha Agagi vihande vihande ako Giligali kuulongozi wa Mndewa Imulungu.