Wasemi 7:20 - Biblia Kikutu

²⁰ Ivibumbula vose vidatu vitowa mhalati zao na wabena nongo zao. Mna gamakono gao ga kumoso wagoga viwenge na mna gamakono gao ga ukudila wagoga mhalati na wazitowa, kuno olonga kwa sauti ng'hulu, “Panga da Mndewa Imulungu na panga da Gideoni!”

Wasemi 7:20 ပူးပေါင်းရင်းမြစ်များ

1 Wakolinto 15:52

Yolawilila kwa kusinhukiza, himahima kubanza siso vidibwenza. Mhalati ya ikimambukizo yahalila, wanhu wafile ozilibuka, wose togaluka, avo hatufa kabili.

2 Wakolinto 4:7

Lakini siye tuli na ngama ino tuigala na nongo, ili kulagusa kamba nguvu ng'hulu yolawa kwa Imulungu, siyo kumwetu.

1 Wasesalonike 4:16

Avo sauti ng'hulu yolagiza na sauti ya msenga mkulu wa kuulanga na sauti ya mhalati ya Imulungu, nayo Mndewa mwenyego kohumuluka kulawa kuulanga. Baho waja wafile wang'hali omtogola Kilisito osonga kuzilibuligwa,

Waebulania 11:4

Kutamanila ako kumtendile Habili yamulavile Imulungu nhosa inogile kubanza Kaini. Kutamanila kwake kumtenda yatogoligwe na Imulungu kamba kanoga, kwavija Imulungu mwenyego kazigwaa nhogolwa nhunza zake. Kwa kutamanila kwake hata kamba Habili kafa, mbuli zake ziyatendile zing'hali zotufunza.

Yoshua 6:16

Umwanza wa saba, iwalava nhosa viwatowile zimhalati, Yoshua kawalongela iwanhu, “Guteni kwavija Mndewa Imulungu kawagwelela dibuga!

Yoshua 6:20

Avo, iwanhu waguta nyangi na mhalati zitoigwa. Bahaja wanhu viwahulike mhalati zolila, iwanhu waguta nyangi, na uluwa ludidimila hasi lose, avo iwanhu wengila mdibuga, kila munhu kuulongozi wake na wadisola dibuga.

Yoshua 6:4

Walava nhosa saba, kuno kila imoja kagoga mhalati yake ya mhembe ya ng'hondolo mbigalo, wadilongolele disanduku da lagano. Mna isiku ya saba modizunguluka dibuga miyanza saba, kuno iwalava nhosa otowa zimhalati.

2 Petulo 1:15

Avo, nowamba ng'hani ili nahafa mudahe kukumbuka mbuli zino siku zose.

Wasemi 7:19

Avo Gideoni na iwanhu gana dimoja iwakalile nao wavika kuna ing'hambi kipindi viwasongile isang'hano awo wakalizaga ikilo kikulu. Watowa mhalati na wabena zinongo ziwakalile nazo.

Wasemi 7:21

Kila munhu kema hanhu hake waizunguluka ing'hambi. Wakalizi wose wa awo owehila wapwililika kuno otowa mizangi.

1 Samweli 11:11

Ulukwili Sauli kagola vibumbila vidatu, wose wachola kuna ing'hambi ya Waamoni na kuwakoboza, mbaka viivikile imisi wakomigwa Waamoni wengi, na waja wasigale wapwililika na kukala kuduhu wakalile hamoja.