Wasemi 6:34 - Biblia Kikutu

³⁴ Lakini Loho ya Mndewa Imulungu imwizila Gideoni, katowa mhalati kuwakema Wabiezeli wamkweleleze.

Wasemi 6:34 ပူးပေါင်းရင်းမြစ်များ

Zabuli 51:11

Sambi unitupe kutali na gweye, sikuunisegesele loho wako yang'alile.

Kupetigwa 10:3

Mhalati zose mbili zahatoigwa hamoja, wanhu wose waiting'hane behi na gweye kuulongozi wa ulwivi lwa idihema da mting'hano.

Walumi 13:14

Lakini muilumbe na Mndewa Yesu Kilisito, sikumugese kukweleleza vizilonda ng'huli zenu.

Wagalatia 3:27

Mweye mose mubatizigwe kwa kuilumba na Kilisito, na sambi mumvala Kilisito mwenyego.

Yoshua 17:2

Iwanhu wayagwe wa kabila da Manase wagweleligwa isi kamba viweli mzing'holo zao, lukolo lwa Abiezeli na lukolo lwa Heleki na lukolo lwa Asilieli na lukolo lwa Shekemu na lukolo lwa Hefeli na lukolo lwa Shemida. Awo wose wakala wana wa kimbigalo wa Manase mwanage Yusufu, kamba viweli mzing'holo zao.

Wasemi 13:25

Loho wa Mndewa Imulungu kasonga kumgaza viyakalile ako Mahane Dani isi ikalile hagati ya Sola na Eshitaoli.

Wasemi 14:19

Baho Loho ya Mndewa Imulungu imwingila Samsoni kwa nguvu, na heyo kachola kudibuga da Ashikeloni, kawakoma wanhu malongo madatu, abaho kavisola viwalo vao, kawagwaa wanhu awo wakitegule ikitendawili chake. Abaho kachola ukae kwa tatake akuno kagevuzika.

Wasemi 15:14

Viyavikile Lehi, Wafilisiti wamcholela akuno okemelela. Bahaja Loho ya Mndewa Imulungu imwingila Samsoni kwa nguvu, na zinzabi ziyafungigwe mmakono zikanhika kamba kitani kilagale mmoto na zilagala hasi.

Wasemi 3:10

Avo, Loho ya Mndewa Imulungu imwingila Osinieli, na heyo kawa msemi wa iwanhu wa Izilaeli. Osinieli kachola kuna ing'hondo na Mndewa Imulungu kamgela mmakono gake Kushani Lishataimu imndewa wa Mesopotamia na heyo Osinieli kamuhuma.

Wasemi 3:27

Viyavikile kuko katowa mhalati kuna iisi ya kuvigongo va Efulaimu, na Waizilaeli wahumuluka hamoja na heyo kulawa kuko kuvigongo na heyo kawalongoza.

Wasemi 6:11

Avo msenga wa Mndewa Imulungu kachola kakala hasi ya mwaloni wa Yoashi, Mwabiezeli, ako Ofula. Gideoni mwanage Yoashi kakala kobiga ingano aho hana ihanhu ha kukamila zabibu, kaifisa ili Wamidiani sikuwamone.

Wasemi 8:2

Lakini Gideoni kawedika, “Vino niye nitenda choni kikulu kubanza mweye? Vinhu viwadondoleze wanhu wa Efulaimu viwamambukize kusenga vinoga ng'hani kubanza avija viwasengile iwanhu wa Abiezeli.

1 Samweli 10:6

Abaho Loho wa Mndewa Imulungu kokwizila kwa nguvu na gweye kosonga kulagula hamoja na hewo, na gweye kokuwa munhu iyagwe.

1 Samweli 11:6

Sauli viyahulike avo, Loho ya Mndewa Imulungu imwizila kwa nguvu, na heyo kagevuzika ng'hani.

1 Samweli 13:3

Yonatani kaitowa ng'hambi ya Wafilisiti, ikalile ako Geba, Wafilisiti waihulika mbuli ayo. Nayo Sauli katowa mhalati mwiisi yose kuno kolonga, “Tegelezeni Waizilaeli.”

1 Samweli 16:14

Abaho Loho ya Mndewa Imulungu imuleka Sauli na loho ihile kulawa kwa Mndewa Imulungu imdununza.