Wasemi 6:27 - Biblia Kikutu

²⁷ Avo, Gideoni kasola wasang'hanaji wake longo, katenda kamba viyalagizwe na Mndewa Imulungu. Lakini kwavija kawadumba ndugu zake na wanhu wa mdibuga avo katenda gago ikilo.

Wasemi 6:27 ပူးပေါင်းရင်းမြစ်များ

Zabuli 112:5

Munhu yokopesha bila kulonda nyongeza, komweda ng'hani, munhu yotenda sang'hano zake kwa haki.

Matayo 16:24

Abaho Yesu kawalongela wanahina zake, “Munhu yoyose yolonda kwiza kumwangu, yaileme mwenyego, yaupape msalaba wake na yanikweleleze.

Yohana 15:14

Mweye mwa mbwiga zangu mwahatenda gaja goniwalagiza.

Yohana 2:5

Abaho mamake Yesu kawalongela waja wasang'hanaji, “Chochose chonda yawalongele sang'haneni.”

Yohana 3:2

Siku dimoja ikilo kamcholela Yesu na kamulongela, “Labi, tojuwa gweye kwa mfundiza kutumigwa na Imulungu. Kwavija kuduhu munhu yodaha kutenda unzonza kamba viutenda gweye kamba Imulungu hali hamoja nayo.”

Wagalatia 1:16

Viyone vinoga kunigubulila Mwanage, ili niwapetele Mbuli yake Inogile wanhu haweli Wayahudi, sikimbilile kwa munhu kumuuza mbuli yoyose,

Kumbukumbu 4:1

Musa kagendelela kuwalongela Waizilaeli, “Gogeni na kukweleleza malagizo na mafundizo gose ganiwafunzile, ili muwe wagima na kuisola isi yonda yawagwee Mndewa Imulungu, Imulungu wa wahenga zenu.

1 Wasesalonike 2:4

Lakini siye tolonga kamba viyolonda Imulungu, kwavija katona tofaya kutugwaa sang'hano ya kuwapetela wanhu Mbuli Inogile. Hatulonda kuwanogeza wanhu ila tolonda kumnogeza Imulungu, yoilola goya mizoyo yetu.

Wasemi 6:26

Abaho, unizengele niye Mndewa Imulungu, Imulungu wako, upango wa nhosa unogile ako kulugongo. Abaho unilavile nhosa ya kusoma moto kwa ija ing'ombe wakabili kwa ngodi za ija imhanda ya Ashela yuukanhile.”

Wasemi 6:28

Wenekae wa buga dijo viwalamuke imitondo wona upango wa nhosa wa Baali na imhanda ya Ashela ikalile behi na uupango vibanangigwa, na vivija wona imitozi ya ing'ombe wakabili yakalile yasomigwe moto uchanha ya upango wa nhosa uzengigwe aho.