Wasemi 6:25 - Biblia Kikutu

²⁵ Kilo acho, Mndewa Imulungu kamulongela Gideoni, “Sola ing'ombe wakabili wa tatako, ing'ombe mbigalo yeli na miyaka saba. Tula uupango wa nhosa wa Baali wa tatako na kanha imhanda ya Ashela ili behi na uupango.

Wasemi 6:25 ပူးပေါင်းရင်းမြစ်များ

Mwanduso 35:2

Yakobo kawalongela wanhu wa mng'anda yake, na wose wakalile hamoja na heyo, “Segeseni minyago yenu ili kumwenu, isunheni, mkasaule viwalo venu.

Zabuli 101:2

Noigoga nzila igoloke. Kokwiza lini kumwangu? Niye nosang'hana kwa moyo unogile mng'anda yangu.

Kulawa 34:13

Lakini molondigwa mubomole kila upango wao wa kulavila nhosa, na mugakindule mabwe gao gang'alile na muibene imhanda ya kumtambikila imulungu wao Ashela.

Matayo 10:37

“Munhu yoyose yomnogela tatake hebu mamake kubanza niye hafaya yawe mwanahina wangu. Na munhu yoyose yowanogela wanage hebu mndele wake kubanza niye hafaya yawe mwanahina wangu.

Matayo 6:24

“Kuduhu munhu yodaha kuwasang'hanila wakulu wabili, kwavija komwihila imoja na kumnogela iyagwe, hebu koilumba na imoja na kumbeza iyagwe. Hamudaha kumsang'hanila Imulungu hamoja na mali.

Sang'hano 4:19

Lakini Petulo na Yohana wawedika, “Mweye wenyego taguseni choni kinogile mgameso ga Imulungu, kuwategeleza mweye hebu kumtegeleza Imulungu.

Sang'hano 5:29

Petulo na watumigwa wayagwe wedika, “Tolondigwa tumtegeleze Imulungu siyo wanhu.

Kumbukumbu 7:5

Lakini watendeleni vino, bomoleni mhango zao za kulavila nhosa na mugasegese mabwe gao ga kutambikila. Na vikanheni ivinyago vao va Ashela na mvisome moto vinyago vao viyagwe.

Wasemi 2:11

Avo iwanhu wa Izilaeli watenda gehile mgameso ga Mndewa Imulungu na wavitambikila vinyago va Baali.

Wasemi 3:7

Waizilaeli watenda gehile mgameso ga Mndewa Imulungu, wamsemwa Mndewa Imulungu, Imulungu wao na wavitambikila vinyago va Baali na mhanda za Ashela.

Wasemi 6:26

Abaho, unizengele niye Mndewa Imulungu, Imulungu wako, upango wa nhosa unogile ako kulugongo. Abaho unilavile nhosa ya kusoma moto kwa ija ing'ombe wakabili kwa ngodi za ija imhanda ya Ashela yuukanhile.”