Wasemi 6:2 - Biblia Kikutu

² Wamidiani wawatendela gehile Waizilaeli, mbaka waihimbila makolongo na mhango kuvigongo kamba hanhu ha kuifisila.

Wasemi 6:2 ပူးပေါင်းရင်းမြစ်များ

Walawi 26:17

Niye nowahindusila kisogo, na mweye motoigwa na wanhu owehila, motawaligwa na wanhu owehila. Mosinhusigwa na kukimbila hamoja kuduhu munhu yowawinga.

Waebulania 11:38

Wanhu awo wamtamanila Imulungu, lakini wanhu wa mwiisi ino wakala wehile mbaka hawalondeke kuwa na wanhu kamba awo! Wanhu awo wamtamanile Imulungu wapwililika mviwala na vigongo, wakala mzimhango na mna gamakolombo.

Ugubulo 6:15

Abaho, wandewa wa mwiisi, wakulu, wakulu wa wakalizi, wanhu wagoli, wanhu weli na nguvu na wanhu wose wayagwe watumwa na wakomboligwe waifisa mzimhango na mna imibwe kuvigongo.

Wasemi 10:8

na wawadununza iwanhu wa Izilaeli mna umwaka awo. Kwa miyaka longo na nane wawagaza na kuwonela iwanhu wa Izilaeli wakalile umwambu wa Yolidani mwiisi ya Waamoli ako Gileadi.

Wasemi 10:9

Waamoni nao waloka ulwanda lwa Yolidani, waitowe na makabila ga Yuda na Benjamini na Efulaimu, avo iwanhu wa Izilaeli wagazigwa ng'hani.

Wasemi 6:3

Waizilaeli wahahanda mbeyu mmigunda, Wamidiani na Waamaleki na wanhu wayagwe wa kuko umwambu wa kudilawila zuwa weza kuwavamila.

1 Samweli 13:6

Waizilaeli viwonile wammagazo na wagelegeza kamba ohumwa kuing'hondo avo waifisa, wayagwe waifisa mmihango na mvisolo na mvisima na mmisimo na mmibwe,

1 Samweli 14:11

Avo wailagusa ili Wafilisiti wawone. Wafilisiti viwawone walonga, “Muwona waja Waizilaeli olawa mna imisimo iwakalile waifisile.”