Wasemi 6:15 - Biblia Kikutu

¹⁵ Gideoni kamwidika, “Chonde, Mndewa nodahaze kuwakombola Waizilaeli? Lukolo lwangu ludodo mna dikabila da Manase, na niye ayo imdodo mna ing'anda ya tatangu.”

Wasemi 6:15 ပူးပေါင်းရင်းမြစ်များ

Mwanduso 32:10

Niye sifaya koneligwa bazi na moyo unogile unitendele niye msang'hanaji wako. Vinilokile mwambu wa Yolidani ng'hala nabule kinhu chochose ila mkongoja, lakini sambi ninago mabumbila gago mabili.

Kulawa 3:11

Lakini Musa kamulongela Imulungu, “Niye na nani mbaka nichole kwa Falao, nikawalave Waizilaeli mwiisi ya Misili?”

Kulawa 4:10

Musa kamulongela Mndewa Imulungu, “Aka Mndewa sikuunhume niye. Niye sidahile bule kulonga goya toka mwaka, hata sambi viusongile kulonga na niye msang'hanaji wako. Niye sili mulongaji.”

Luka 1:34

Malia kamuuza msenga ija, “Niye na mhambe. Lelo mbuli ayo yokuwaze?”

1 Wakolinto 15:9

Kwavija mna iwatumigwa wose niye na munhu mdodo ng'hani, niye sifaya hata kukemigwa mtumigwa, kwavija niwadununza wanhu wamtogole Yesu.

Waefeso 3:8

Niye na munhu mdodo kubanza wanhu wose wa Imulungu, lakini Imulungu kanigwaa ng'hekewa, ili niwapetele wanhu haweli Wayahudi Mbuli Inogile, ya vinhu vinogile va Kilisito vilibule uhelelo,

Wasemi 6:11

Avo msenga wa Mndewa Imulungu kachola kakala hasi ya mwaloni wa Yoashi, Mwabiezeli, ako Ofula. Gideoni mwanage Yoashi kakala kobiga ingano aho hana ihanhu ha kukamila zabibu, kaifisa ili Wamidiani sikuwamone.

1 Samweli 18:23

Waja iwasang'hanaji wa Sauli wabwelela kumulongela Daudi mbuli azo, Daudi kawalongela, “Niye na mkiwa na sijuwigwa bule, mweye mwigizaga mbuli ndodo mndewa yawe tata mkwe yangu?”

1 Samweli 9:21

Sauli kamulongela, “Niye nolawa mdikabila da Benjamini, ijo kabila dodo kubanza makabila gose ga Izilaeli. Na lukolo lwangu niye alo lukolo ludodo kubanza ng'holo zose mdikabila da Benjamini. Habali konongela mbuli kamba azo?”