Wasemi 6:13 - Biblia Kikutu

¹³ Gideoni kamulongela, “Go, mkulu, kamba Mndewa Imulungu kahamoja na siye, habali gano gose gatupata? Za kwahi mbuli zake za unzonza ziwatulongele iwahenga wetu, viwalongile, ‘Mndewa Imulungu ayo yatulavile mwiisi ya Misili.’ Lakini sambi Mndewa Imulungu katuleka na katugela mmakono ga Wamidiani!”

Wasemi 6:13 ပူးပေါင်းရင်းမြစ်များ

Mwanduso 25:22

Inda ayo ikala ya mapacha, wang'hali hawanavumbuka wakala oisung'hasung'ha mwiinda yake. Avo kalonga, “Habali kinhu kamba kino chondawilila niye?” Avo kachola kumuuza Mndewa Imulungu.

Zabuli 27:9

Sikuuleke kunilola kwa bazi. Sikuundeme kwa ng'hasiliki yako niye msang'hanaji wako, gweye ayo unitaza siku zose. Sikuunitupe wala kundeka, Imulungu Mkombola wangu.

Zabuli 44:1

Go Imulungu, siye tuhulika kwa magwiti getu, iwahenga wetu watulongela gaja gausang'hane kuzisiku zao, ona gaja gausang'hane siku za ako umwaka.

Zabuli 44:2

Kwa mkono wako kuwaswaswanya wanhu wakalile mwiisi ino, na kuwahanda iwahenga zetu, kuwabananga wanhu wa isi azo, lakini kuwatenda wahenga zetu wamwede.

Zabuli 44:9

Lakini sambi kutulema na kutugela kinyala, sambi huchola na iwakalizi zetu.

Zabuli 89:49

Mndewa Imulungu wa kwahi unogelo wako hawishaga wa aho haichanduso, kwa kutamanilwa kwako kuiduwila kwa Daudi?

Walumi 8:31

Mzimbuli zose zino, tulonge choni, Imulungu yahawa ubanzi wetu, nani yodaha kututenda mbuli yoyose?

Kumbukumbu 29:24

Wanhu wa isi zose olonga, ‘Habali Mndewa Imulungu kaitenda vino isi ino? Habali kagevuzika kamba vino?’

Kumbukumbu 31:17

Aho ng'hasiliki yangu yowakila na niye nowaleka na kufisa kihanga changu, ili wabanangigwe. Gehile na magazo gowapata na olonga, ‘Gehile gano gatupata kwavija Imulungu wetu heli hagati yetu.’

Wasemi 6:1

Waizilaeli watenda gehile mgameso ga Mndewa Imulungu, na Mndewa Imulungu kawagela mmakono ga Wamidiani kwa miyaka saba.

Wasemi 6:12

Msenga wa Mndewa Imulungu kamulawila kamulongela, “Mndewa Imulungu kahamoja na gweye, gweye digalu.”