Wasemi 5:23 - Biblia Kikutu

²³ Msenga wa Mndewa Imulungu kalonga vino, ‘Diduwileni buga da Melosi, waduwileni wenekae wake, kwavija hawezile kumtaza Mndewa Imulungu, hawamtazile Mndewa Imulungu mbuli ya iwanhu wene nguvu.’

Wasemi 5:23 ပူးပေါင်းရင်းမြစ်များ

Zabuli 94:16

Nani yonda yanigombele niye mbuli ya iwanhu wehile? Nani yonda yanitaze mbuli ya iwanhu wehile?

Matayo 25:41

“Abaho kowalongela waja weli mwambu wa kumoso, ‘Segeleni kumwangu, mweye muduwiligwe! Muchole kuna umoto haufaga, uyekiligwe Mwenembago na wasenga zake!

Walumi 15:18

Silonga mbuli yoyose iyagwe, ila mbuli ija iiyeka iyaitendile Kilisito kubitila niye, kuwalongoza wanhu haweli Wayahudi wamtegeleze Imulungu. Nhenda avo kwa kulonga na kusang'hana,

1 Wakolinto 16:22

Munhu yoyose hamnogela Mndewa, yaduwiligwe na Imulungu! Mndewa wetu izo!

1 Wakolinto 3:9

Kwavija wose tosang'hana hamoja na Imulungu, mweye muwa kamba mgunda wa Imulungu. Vivija mwa ng'anda ya Imulungu.

2 Wakolinto 6:1

Kwavija tosang'hana hamoja na Imulungu, towapula mweye mubokele ng'hekewa ya Imulungu, sikumutogole yage bule.

Wasemi 13:3

Siku dimoja msenga wa Mndewa Imulungu kamulawila mtwanzi ayo, kamulongela, “Gweye kwa mgumba, hudaha kulela wana, lakini kogoga inda na kolela mwana wa kimbigalo.

Wasemi 2:1

Msenga wa kuulanga wa Mndewa Imulungu kasegela Giligali, kachola Bokimu, kawalongela Waizilaeli, “Niwalava mweye mwiisi ya Misili na niwagala mwiisi iniiduwile nowagwaa wahenga zenu. Nilonga, ‘Sidibena bule lagano jangu na mweye,

Wasemi 21:5

Abaho iwanhu wa Izilaeli waiuza, “Vino iwanhu gani mna gamakabila ga Izilaeli hawacholile bule kumting'hano wa Mndewa Imulungu?” Kwavija wakala waiduwile ng'hani kamba munhu yoyose hacholile bule kuulongozi wa Mndewa Imulungu ako Misipa yakomigwe.

Wasemi 21:8

Walonda kujuwa kamba kukala na wanhu mna gamakabila ga Izilaeli hawacholile kumting'hano wa Mndewa Imulungu ako Misipa. Avo, wajuwa kamba haduhu munhu yoyose kulawa Yabeshi Gileadi yezile kumting'hano awo.

Wasemi 4:6

Siku dimoja katuma usenga kwa Balaki mwanage Abinoamu kulawa buga da Kedeshi mwiisi ya Nafutali kamulongela, “Mndewa Imulungu, Imulungu wa Izilaeli kokulagiza vino, ‘Genda ukawating'hanize wanhu wako kulugongo lwa Taboli, usagule wanhu elufu kumi kulawa makabila ga Nafutali na Zabuloni.

Wasemi 5:13

Iwanhu wasigale wachola kwa iwakulu, wanhu wa Mndewa Imulungu weza kumwangu niye na ivilongozi,

Wasemi 6:11

Avo msenga wa Mndewa Imulungu kachola kakala hasi ya mwaloni wa Yoashi, Mwabiezeli, ako Ofula. Gideoni mwanage Yoashi kakala kobiga ingano aho hana ihanhu ha kukamila zabibu, kaifisa ili Wamidiani sikuwamone.

Wasemi 8:5

Viwavikile Sukoti, kawalongela wanhu wa buga dijo, “Chonde, wagweleleni wano wayangu magate kwavija wadonha ng'hani, na niye ning'hali nowakweleleza Zeba na Zalimuna iwandewa wa Midiani.”

Wasemi 8:6

Lakini ivilongozi wa Sukoti wamuuza, “Habali tuwagwelele magate wakalizi zako kuno mung'hali hamna wahuma Zeba na Zalimuna?”

Wasemi 8:8

Viyasegele aho kachola kwa wanhu wa Penueli kawapula kamba vivo, lakini wanhu wa Penueli wamwidika kamba viwamwidike wanhu wa Sukoti.

1 Samweli 17:47

na wanhu wose waiting'hane hano lelo ojuwa kamba Mndewa Imulungu halonda migoha hebu sime kuwagombola wanhu. Kwavija ing'hondo mwenyego Mndewa Imulungu, na heyo kowagela mmakono getu mweye mose.”

1 Samweli 18:17

Sauli kamulongela Daudi, “Ino hano mndele wangu imkulu Melabu, nokugwaa umsole kwa malagano mabili, uwe mkalizi wangu galu, na uitowe ng'hondo ya Mndewa Imulungu.” Kwavija Sauli kagelegeza, “Niye simkoma bule kwa mkono wangu, leka Wafilisiti wamkome.”

1 Samweli 25:28

Nokupula uzigele kumgongo mbuli zangu zihile niye msang'hanaji wako. Mndewa Imulungu kokutenda mndewa, na ulelo wako okuwa wandewa kwavija gweye go mkulu kuitowa ng'hondo ya Mndewa Imulungu. Siku zose za ugima wako sambi oneke na mbuli yoyose ihile.

1 Samweli 26:19

Avo, mndewa wangu, tegeleza mbuli iyolonga msang'hanaji wako. Kamba Mndewa Imulungu iyo yakulongele wize kunikoboza, avo nolova nhosa ili nimnogeze, lakini kamba wanhu awo wakulongele, Mndewa Imulungu yawaduwile wanhu awo kwavija waniwinga mwiisi yatugwelele Mndewa Imulungu na kunilongela, ‘Genda ukaisang'hanile imilungu iyagwe.’