Wasemi 4:7 - Biblia Kikutu

⁷ Niye nomgala Sisela, imkulu wa iwakalizi wa Yabini, yeze na wakalizi wake na mituka yake aho hana ulwanda lwa Kishoni, na nomgela mmakono gako.’”

Wasemi 4:7 ပူးပေါင်းရင်းမြစ်များ

Kulawa 14:17

Niye Mndewa noitenda mizoyo ya Wamisili iwe midala, na avo owakweleleza na niye nogweleligwa ukulu kwa kumbananga Falao na wakalizi zake okwela falasi na mituka yake.

Kulawa 14:4

Noutenda moyo wa Falao uwe mdala na heyo kowakweleleza. Na niye nopata ukulu kwa kuwabananga heyo hamoja na iwakalizi zake. Abaho Wamisili ojuwa kamba niye ayo Mndewa Imulungu.” Avo Waizilaeli watenda vivo.

Kulawa 14:8

Mndewa Imulungu kautenda moyo wa Falao, mndewa wa Misili, uwe mdala, nayo kawakweleleza Waizilaeli wakalile wasegele mwiisi ya Misili kwa kuitapa.

Kulawa 21:13

Kamba munhu halondile munhu ayo yafe lakini Imulungu kaileka mbuli ayo ilawilile, munhu ayo yakimbilile hanhu hanogile honda niwasagulileni.

Yoshua 10:8

Mndewa Imulungu kamulongela Yoshua “Sikuuwadumbe hewo kwavija niye niwagela mmakono gako, kuduhu munhu yonda yakuhume.”

Yoshua 11:20

Vivo viyalondile Mndewa Imulungu kuitenda mizoyo yao midala, na wachole kuitowa na Waizilaeli ili walavigwe kwa kubanangigwa na sikuwoneligwe bazi ila wakomigwe kamba Mndewa Imulungu viyamulagize Musa.

Yoshua 11:6

Mndewa Imulungu kamulongela Yoshua, “Sikuuwadumbe hewo, kwavija mayo saa kamba ino nowakoma wose kwa kuwagela mmakono ga Waizilaeli, na gweye kowakanha imigiha iwafalasi na kuisoma moto mituka yao.”

Yoshua 8:7

Baho mweye molawilila na kudivamila dibuga, kwavija Mndewa Imulungu, Imulungu wenu, kowagwaa buga dijo.

Wasemi 4:14

Debola kamulongela Balaki, “Inuka! Lelo ayo siku Mndewa Imulungu yonda yamgele Sisela mmakono gako. Mndewa Imulungu kochola kuulongozi wako.” Avo Balaki kahumuluka kulugongo lwa Taboli na wakalizi elufu kumi wamkweleleza.

Wasemi 4:8

Balaki kamulongela Debola, “Kamba kochola hamoja na niye, nochola, lakini kamba huchola hamoja na niye, sichola bule.”

Wasemi 5:21

Ng'humbi ya lwanda lwa Kishoni iwazola mbaka kutali, ona ikidibo cha lwanda lwa Kishoni. Niye nogenda kumwande kwa nguvu!

1 Samweli 24:10

Avo, gweye kona mwenyego lelo kwa meso gako Mndewa Imulungu kakugela mmakono gangu vuukalile mdihango, wanhu zangu wayagwe wanilongela nikukome, lakini niye nikuleka mgima. Nilonga sigolosa mkono wangu kwa mndewa wangu, kwavija heyo kasaguligwa na Mndewa Imulungu.

1 Samweli 24:18

Lelo kunilagusila unogelwa wako kumwangu. Hunikomile hata kamba Mndewa Imulungu kanigela mmakono gako.