Wasemi 4:12 - Biblia Kikutu

¹² Sisela viyapatile usenga kamba Balaki mwanage Abinoamu kachola kulugongo lwa Taboli,

Wasemi 4:12 ပူးပေါင်းရင်းမြစ်များ

Zabuli 89:12

Kulumba kasikazini na kusini, Lugongo lwa Taboli na Helimoni vokwimba twaga jako kwa deng'ho.

Zabuli 89:13

Mkono wako umema udahi, mkono wako una nguvu, mkono wako wa ukudila otogoligwa.

Yoshua 19:12

Kulawa Salidi imbaka igendelela umwambu wa kudilawila zuwa kuna imbaka ya Kisiloti Taboli, kulawa kuko ichola Dabelati mbaka Yafia.

Yoshua 19:22

Vivija imbaka yao ivika kuna gamabuga ga Taboli na Shahasuma na Beti Shemeshi ihelela kuna ulwanda lwa Yolidani. Gose kwa gose gakala mabuga longo na sita hamoja na ivijiji vake.

Yoshua 19:34

Abaho ayo imbaka ihinduka ichola umwambu wa kudihongela zuwa mbaka ako Azinoti Taboli, kulawa kuko igendelela mbaka ako Hukoki na ivika kuna iisi ya Zabuloni umwambu wa kusini, na kuna iisi ya Asheli umwambu wa kudihongela zuwa na hana ulwanda lwa Yolidani umwambu wa kudilawila zuwa.

Wasemi 4:11

Kipindi acho, Hebeli, Imkeni kakala yainegile na Wakeni wayage awo ulelo wa Hobabu, mkwe yake Musa. Kakala yekile kibanda chake kutali ako kuna umwaloni wa Zaananimu, behi na Kedeshi.

Wasemi 4:13

kasola wakalizi wose iwakalile hamoja na heyo na mituka yake yose ya mizuma magana tisa, kasegela Halosheti Hagoimu kachola kuna ulwanda lwa Kishoni.

Wasemi 4:6

Siku dimoja katuma usenga kwa Balaki mwanage Abinoamu kulawa buga da Kedeshi mwiisi ya Nafutali kamulongela, “Mndewa Imulungu, Imulungu wa Izilaeli kokulagiza vino, ‘Genda ukawating'hanize wanhu wako kulugongo lwa Taboli, usagule wanhu elufu kumi kulawa makabila ga Nafutali na Zabuloni.

Wasemi 8:18

Abaho kawauza Zeba na Zalimuna, “Wanhu wamuwakomile ako Taboli wakala vilihi?” Wamwidika, “Waigala na gweye, kwavija oneka kamba wana wa mndewa.”