Wasemi 3:3 - Biblia Kikutu

³ Isi azo izo zino, iwakulu watano wa Wafilisiti na Wakanaani wose na Wasidoni na Wahivi wakalile kulugongo lwa Lebanoni kulawa kulugongo lwa Baali Helimoni mbaka ako Lebo Hamati.

Wasemi 3:3 ပူးပေါင်းရင်းမြစ်များ

Mwanduso 49:13

“Zabuloni kokala mwiimwhani, mwhani yake yokuwa hanhu ha kwika ngalawa ng'hulu. Isi yake yoibakana na isi ya Sidoni.”

2 Samweli 24:7

wavika kudibuga da Tilo dizungulusigwe na senyenge ya mibwe, wengila mmabuga ga Wahivi na Wakanaani. Abaho wamambukiza na Negebu ya Yuda ako Beelisheba.

Kupetigwa 13:29

Waamaleki okala ako Negebu, Wahiti na Wayebusi na Waamoli okala kuvigongo, na Wakanaani okala behi na bahali ya Meditelania na behi ya lwanda lwa Yolidani.”

Kupetigwa 34:8

Kulawa kulugongo lwa Holi yobitila kuna inzila ichola Hamati, na yogendelela mbaka ako Sedadi,

Kumbukumbu 1:7

sambi tuleni ng'hambi yenu mugendelele na mwanza. Gendeni kuna ivigongo va isi ya Waamoli na isi ili behi ako Alaba, kuvigongo na kubonde ako Negebu na mwhani. Mugende mbaka mwiisi ya Kanaani na isi ya Lebanoni mbaka ako kuna ulwanda mkulu wa Fulate.

Kumbukumbu 3:9

Wasidoni okikema kigongo acho Silioni na Waamoli okikema Senili.

Yoshua 11:19

Kuduhu buga diilumbile na iwanhu wa Izilaeli, ila buga da Gibeoni amo muwakalile okala Wahivi. Waizilaeli wagasola mabuga gose gayagwe kwa kuitowa ng'hondo.

Yoshua 11:3

Vivija kagala usenga kwa Wakanaani wakalile mwambu wa kudilawila zuwa na mwambu wa kudihongela zuwa na kwa Waamoli na Wahiti na Wapelizi na Wayebusi awo wakalile kuvigongo, na kwa Wahivi wakalile hasi ya ulugongo lwa Helimoni mwiisi ya Misipa.

Yoshua 13:3

ndio kulonga isi ijuwigwa kamba ya Wakanaani, kusongela lwanda lwa Shiholi kuna umwambu wa kudilawila zuwa wa Misili mbaka isi ya Ekiloni ako kasikazini. Isi yose kowotawala awo iwakulu watano wa Wafilisiti, Gaza na Ashidodi na Ashikeloni na Giti na Ekiloni, na vivija Waavi watawala,

Yoshua 13:5

na isi ya Wagebali na isi yose ya Lebanoni mwambu wa kudilawila zuwa, kulawa Baali Gadi hasi ya lugongo lwa Helimoni mbaka Lebo Hamati.

Yoshua 19:28

na Ebuloni na Lehobu na Hamoni na Kana mbaka ako Sidoni Ing'hulu.

Yoshua 9:7

Lakini iwanhu wa Izilaeli wawedika awo Iwahivi, “Vino siye todahaze kutenda lagano na mweye? Sengine mweye mokala behi na siye.”

Wasemi 10:12

Niwakombola mmakono ga Wasidoni na Waamaleki na Wamaoni. Awo wawonela mweye na munililila na niye niwakombola mmakono gao.

Wasemi 10:7

Avo, Mndewa Imulungu kawagevuzikila iwanhu wa Izilaeli na kawagela mmakono ga Wafilisiti na Waamoni,

Wasemi 14:4

Tatake na mamake hawajuwile kamba mbuli ayo ilawa kwa Mndewa Imulungu, kwavija kakala kozahila nyafasi ili yawakoboze Wafilisiti, kwavija kipindi acho Wafilisiti wakala owatawala Waizilaeli.

Wasemi 18:7

Avo wanhu awo watano wasegela, wachola kudibuga da Laishi. Wawona wanhu wa kuko viwakalile bila kudumba kamba wanhu wa Sidoni. Wanhu awo hawagombaga na munhu hebu wabule unduya nduya na hawaswelile kinhu mwiisi yao. Wakala kutali na wanhu wa Sidoni, na wakala hawaitogolele na iwanhu wa isi iyagwe kuwataza.

Wasemi 3:2

Katenda vivo ili ulelo wa iwanhu wa Izilaeli wajuwe kuitowa kuna ing'hondo, yawafunze awo wakalile hawajuwile kuitowa kuna ing'hondo.

Wasemi 4:2

Mndewa Imulungu kawagela mmakono ga Yabini, mndewa wa Kanaani, ayo yatawale ako Hazoli. Mkulu wa iwakalizi wake kakala Sisela, mwenekae wa Halosheti Hagoimu.

1 Samweli 13:5

Wafilisiti waiting'hana hamoja waitowe na Waizilaeli na wakala na mituka ya kubulula elufu selasini, wakalizi wakukwela falasi wakala elufu sita na wakalizi wa kutembela na migulu wakala wengi kamba utitili, wose wachola kwika ng'hambi yao ako Mikimashi mwambu wa kudilawila zuwa wa Beti Aveni.

1 Samweli 29:2

Wakulu watano wa Wafilisiti viwakalile obita na mabumbila magana kwa maelufu ga wakalizi, Daudi na wanhu zake hamoja na Akishi wakala owakweleleza kukisogo.

1 Samweli 6:16

Waja iwakulu watano wa Wafilisiti wayona mbuli ayo na wabwela Ekiloni, siku didijo.

1 Samweli 6:18

Vija ivinyago va zahabu va mbewa vikala kamba vigeli gamabuga ga Wafilisiti galongozwe na iwakulu awo watano, mabuga gazunguluswe senyenge na ivijiji havizunguluswe senyenge. Dija didibwe kulu kudikalile disanduku da lagano da Mndewa Imulungu uwo usindila mbaka lelo mumgunda wa Yoshua wa Beti Shemeshi.

1 Samweli 6:4

Wawauza, “Nhosa gani ya kulihila gehile ilondigwa tuilihe?” Wao wawedika, “Mipute mitano ya zahabu na mbewa watano wa zahabu, kamba iwakulu watano wa Wafilisiti viweli, kwavija mweye mose na iwakulu zenu mupata ayo imikubulo.