Wasemi 3:10 - Biblia Kikutu

¹⁰ Avo, Loho ya Mndewa Imulungu imwingila Osinieli, na heyo kawa msemi wa iwanhu wa Izilaeli. Osinieli kachola kuna ing'hondo na Mndewa Imulungu kamgela mmakono gake Kushani Lishataimu imndewa wa Mesopotamia na heyo Osinieli kamuhuma.

Wasemi 3:10 ပူးပေါင်းရင်းမြစ်များ

Zabuli 51:11

Sambi unitupe kutali na gweye, sikuunisegesele loho wako yang'alile.

Kupetigwa 11:17

Nohumuluka hanhu aho na kulonga na gweye, na nosola hanhu ha loho inikugwelele gweye, nowagwaa wanhu awo. Na hewo owalola wanhu wano hamoja na gweye, ili sambi udipape zigo dino gweye wiiyeka.

Kupetigwa 11:25

Aho Mndewa Imulungu kahumuluka mdiwingu na kalonga na heyo. Abaho kasola hanhu ha iloho iyamgwelele Musa, kawagwaa kila imoja wa awo iwavele malongo saba. Loho ayo viiwengile awo iwavele wasonga kulagula, lakini hawabwelele kutenda vivo.

Kupetigwa 11:29

Musa kamulongela, “Vino kokona migongo mbuli ya niye? Vahanogile Mndewa Imulungu yahawagwelele loho yake wanhu wose wawe watula ndagu!”

Kupetigwa 24:2

Kawona Waizilaeli weka ng'hambi, kila kabila dikala hanhu hake. Abaho Loho ya Imulungu imwizila,

Kupetigwa 27:18

Avo Mndewa Imulungu kamulongela Musa, “Msole Yoshua mwanage Nuni, imunhu yeli na moyo unogile, abaho umwikile makono,

Waebulania 6:4

Havidahika kuwatenda waleke nzambi zao kabili wanhu waja wagubuliligwe aho haichanduso ukweli wa Imulungu na walanza nhunza ya kuulanga na hewo na wayao wambokela Loho Yang'alile,

Wasemi 11:29

Abaho Loho ya Mndewa Imulungu imwingila Yefisa, na heyo kasegela kabitila Gileadi na Manase, na kulawa Misipa mwiisi ya Gileadi na kagendelela na mwanza mbaka kavika kwa Waamoni.

Wasemi 11:32

Avo, Yefisa kaloka ulwanda kaitowa na Waamoni, Mndewa Imulungu kawagela Waamoni mmakono gake.

Wasemi 13:25

Loho wa Mndewa Imulungu kasonga kumgaza viyakalile ako Mahane Dani isi ikalile hagati ya Sola na Eshitaoli.

Wasemi 14:19

Baho Loho ya Mndewa Imulungu imwingila Samsoni kwa nguvu, na heyo kachola kudibuga da Ashikeloni, kawakoma wanhu malongo madatu, abaho kavisola viwalo vao, kawagwaa wanhu awo wakitegule ikitendawili chake. Abaho kachola ukae kwa tatake akuno kagevuzika.

Wasemi 14:6

Baho Loho ya Mndewa Imulungu imwingila Samsoni, hamoja kakala kaduhu kinhu mmakono gake, kambalula simba ayo, kamba munhu yobalula mwana wa mbuzi. Lakini Samsoni hawalongele bule tatake na mamake mbuli ayo.

Wasemi 15:14

Viyavikile Lehi, Wafilisiti wamcholela akuno okemelela. Bahaja Loho ya Mndewa Imulungu imwingila Samsoni kwa nguvu, na zinzabi ziyafungigwe mmakono zikanhika kamba kitani kilagale mmoto na zilagala hasi.

Wasemi 3:11

Avo isi ikala itindiwale kwa miyaka malongo mane. Abaho Osinieli mwanage Kenazi, kafa.

Wasemi 3:8

Avo, Mndewa Imulungu kawagevuzikila iwanhu wa Izilaeli, na kawagela mmakono ga Kushani Lishataimu, imndewa wa Mesopotamia, na wamsang'hanila kwa miyaka minane.

Wasemi 6:34

Lakini Loho ya Mndewa Imulungu imwizila Gideoni, katowa mhalati kuwakema Wabiezeli wamkweleleze.

1 Samweli 10:10

Viwavikile Gibea, waditing'hana bumbila da watula ndagu na Loho wa Imulungu kamwizila kwa nguvu, bahaja Sauli kasonga kulagula hamoja na iwatula ndagu.

1 Samweli 10:6

Abaho Loho wa Mndewa Imulungu kokwizila kwa nguvu na gweye kosonga kulagula hamoja na hewo, na gweye kokuwa munhu iyagwe.

1 Samweli 11:6

Sauli viyahulike avo, Loho ya Mndewa Imulungu imwizila kwa nguvu, na heyo kagevuzika ng'hani.

1 Samweli 16:13

Samweli kasola tabatilo yake ya mavuta na kamgidila Daudi kuulongozi wa ndugu zake. Abaho Loho wa Mndewa Imulungu kahumuluka kwa nguvu kwa Daudi na kukala na heyo. Abaho Samweli kabwela kudibuga da Lama.