Wasemi 20:5 - Biblia Kikutu

⁵ Lakini wanhu wa buga da Gibea weza ikilo, waizunguluka ing'anda inikalile niwasile. Walonda kunikoma, wamuwasa kwa nguvu mtwanzi wangu mbaka kafa.

Wasemi 20:5 ပူးပေါင်းရင်းမြစ်များ

Walawi 18:24

“ ‘Sikumuifitize kwa kutenda mbuli azo, kwavija mbuli azo zizo zowotenda wanhu wa isi zili kuulongozi wenu na niye nowawinga ili mukale mweye.

Kumbukumbu 22:21

wamgale mtwanzi ayo hana ulwivi lwa ing'anda ya tatake na wambigalo wa buga dijo wamtowe mabwe mbaka yafe, kwavija katenda gehile mwiisi ya Izilaeli kwa kutenda ugoni yang'hali mng'anda ya tatake. Kwa nzila ayo mogasegesa gehile hagati yenu.

Kumbukumbu 22:24

wose wabili muwalave kunze ya dibuga na muwatowe mabwe mbaka wafe. Mndele ayo yakomigwe kwavija hagutile bule ili yatazigwe hamoja kakala kudibuga, na ayo imbigalo yakomigwe kwavija kamnanga mtwanzi yalaviligwe vilama. Kwa nzila ayo mogasegesa gehile hagati yenu.

Yoshua 7:15

Munhu yonda yagogigwe na vinhu vilavigwe ili vibanangigwe kosomigwa moto, heyo hamoja na vinhu vake vose kwavija kadibena lagano da Mndewa Imulungu, na katenda mbuli igela kinyala mna iwanhu wa Izilaeli.’”

Wasemi 19:22

Viwakalile woja na kudeng'ha, wambigalo wayagwe wehile wa kudibuga dijo weza waizunguluka ing'anda na wagong'onda ulwivi. Wamulongela imvele mwene ng'anda, “Mulave kunze ayo imbigalo yengile mng'anda tumuwase.”

Wasemi 19:28

Kamulongela, “Winuke tuchole.” Lakini heyo hedike mbuli. Kamsola, kamkweza kuna ikihongwe wake na kamgala mbaka ukae kumwake.

Wasemi 20:4

Ayo imulawi, imbigalo wa ayo imtwanzi yakomigwe kawedika, “Niye na mtwanzi wangu tuvika kudibuga da Gibea, buga da iwanhu wa kabila da Benjamini ili tuwase kuko ikilo.