Wasemi 20:23 - Biblia Kikutu

²³ Avo, Waizilaeli wachola, wamulilila Mndewa Imulungu mbaka ichungulo. Abaho wamuuza Mndewa Imulungu, “Avo tuchole kabili tukaitowe na ndugu zetu, wanhu wa kabila da Benjamini?” Mndewa Imulungu kawedika, “Choleni mkaitowe na hewo.”

Wasemi 20:23 ပူးပေါင်းရင်းမြစ်များ

2 Samweli 3:35

Abaho wanhu wose wamcholela Daudi wamnanahiza yaje ndiya yoyose imisi, lakini Daudi kaiduwila kalonga, “Imulungu yang'home kamba nahalanza ndiya hebu kinhu chochose mbaka zuwa diswe.”

Yoshua 7:6

Abaho Yoshua kadega viwalo vake kwa usungu, kagwa kingubanguba kuulongozi wa disanduku da Mndewa Imulungu mbaka ichungulo. Heyo na iwavele wa Izilaeli, waigela mitimbwisi mmapala gao.

Yoshua 7:7

Yoshua kalonga, “Go Mkulu Mndewa Imulungu! Habali kututenda tuloke lwanda lwa Yolidani ili utugele mmakono ga Waamoli watubanange? Vahanogile twahasigale umwambu wa lwanda lwa Yolidani.

Wasemi 1:1

Yoshua viyafile iwanhu wa Izilaeli wamuuza Mndewa Imulungu, “Kabila gani dolongola kuchola kuitowa na Wakanaani?”

Wasemi 20:18

Waizilaeli wachola ako Beseli wamuuza Imulungu, “Kabila gani donda dilongole kuchola kuitowa na iwanhu wa kabila da Benjamini?” Mndewa Imulungu kalonga, “Kabila da Yuda disonge kuchola.”

Wasemi 20:22

Lakini Waizilaeli waigangamiza, waitanda kabili hanhu aho hawaitowile aho haichanduso.

Wasemi 20:24

Avo, siku ya kabili Waizilaeli wachola kuitowa na wanhu wa kabila da Benjamini.

Wasemi 21:2

Avo, iwanhu wachola ako Beseli wakala kuko kuulongozi wa Imulungu mbaka ichungulo, waguta na kulila kwa usungu.

1 Samweli 10:3

“Abaho wahavika kuna idibiki da mwaloni ako Taboli, hanhu aho kowating'hana wambigalo wadatu ochola kumulavila nhosa Imulungu, ako Beseli. Imoja kapapa wana mbuzi wadatu, na wakabili kapapa magate madatu na wakadatu kapapa mfuko wa ng'hwembe wa divai.

1 Samweli 11:4

Waja iwasenga viwavikile koyokala Sauli ako kudibuga da Gibea, viwawalongele wanhu mbuli ayo wanhu wose walila kwa sauti.

1 Samweli 7:6

Avo Waizilaeli waiting'hanila ako Misipa. Wadeha mazi na kugagida kuulongozi wa Mndewa Imulungu kamba nhosa, siku ayo yose wafunga kuja na wamtambikila kwa kulonga, “Tumtendela nzambi Mndewa Imulungu.” Samweli kawa msemi wa Waizilaeli ako Misipa.