Wasemi 2:15 - Biblia Kikutu

¹⁵ Kila kuwacholile kuitowa Mndewa Imulungu kawagela mmakono ga iwanhu owehila, kamba viyakalile yawazumile na kuiduwila. Avo wakala mmagazo makulu.

Wasemi 2:15 ပူးပေါင်းရင်းမြစ်များ

2 Wakolinto 4:8

Siku zose togaya, lakini hatuhondigwa, tokona shaka, lakini hatubwela kuchugu,

Kumbukumbu 18:20

Lakini mtula ndagu yoyose yonda yalonge mbuli kwa twaga jangu, na kuno niye simulagize yalonge mbuli ayo hebu kolonga mbuli kwa twaga da imulungu iyagwe, mtula ndagu ayo kofa.’

Wasemi 10:9

Waamoni nao waloka ulwanda lwa Yolidani, waitowe na makabila ga Yuda na Benjamini na Efulaimu, avo iwanhu wa Izilaeli wagazigwa ng'hani.

Lusi 1:13

vino, mwahadahile kuwabeta mbaka wakule? Vino mwahadahile kulema kusoligwa na wambigalo wayagwe? Bule wandele zangu, niye nokona usungu ng'hani kubanza mweye, kwavija Mndewa Imulungu kangeda.”

1 Samweli 12:15

Lakini kamba hamumtegeleza Mndewa Imulungu na kugagoga malagizo gake, avo Mndewa Imulungu komkobozeni mweye hamoja na mndewa wenu.

1 Samweli 13:6

Waizilaeli viwonile wammagazo na wagelegeza kamba ohumwa kuing'hondo avo waifisa, wayagwe waifisa mmihango na mvisolo na mvisima na mmisimo na mmibwe,

1 Samweli 14:24

Avo siku dijo Waizilaeli wagazika kwavija Sauli kakala yawafungile iwanhu kwa kuiduwila, “Kuduhu munhu yonda yaje mbaka ichungulo, mbaka niwabwezele iwanhu onihila.” Avo siku ngima haduhu munhu yadile hebu kulanza kinhu chochose.

1 Samweli 30:6

Avo Daudi kakala na usungu kwavija wanhu zake wakala na ng'hasiliki ya kwagiza iwana, avo walonda kumtowa mabwe. Lakini Daudi, kaigela moyo kwa kumtamanila Mndewa Imulungu, Imulungu wake.