Wasemi 2:12 - Biblia Kikutu

¹² Wamuleka Mndewa Imulungu, Imulungu wa iwahenga zao, ayo yawalavile mwiisi ya Misili, wasonga kuitambikila milungu iyagwe, imilungu ya iwanhu wa isi ziwazunguluke na waitambikila. Avo wamgevuza Mndewa Imulungu.

Wasemi 2:12 ပူးပေါင်းရင်းမြစ်များ

Zabuli 106:36

Wavitambikila vinyago vao, kinhu acho kikala mtego kumwao.

Zabuli 78:58

Wamgevuza Imulungu kwa kuzenga hanhu ha kutambikila imilungu kuvigongo, na wamgela migongo kwa kutenda vinyago.

Kulawa 13:14

Ako kumwande mwanago yahakuuza mbuli ino yofambula choni? Mulongele, ‘Kwa nguvu ya mkono wake Mndewa Imulungu katulava mwiisi ya Misili, kuko kutukalile watumwa.

Kulawa 13:16

Mbuli ino yokuwa kamba kilaguso mmakono genu na kilaguso mna ivihanga venu, kamba Mndewa Imulungu katulava Misili kwa mkono wake uli na nguvu.”

Kulawa 13:3

Musa kawalongela wanhu, “Sikumuisemwe siku ino. Mweye vimulawile mwiisi ya Misili kuko kumukalile watumwa, kwavija Mndewa Imulungu kawalava kwa nguvu za makono gake. Sikumuje magate gageligwe hamila.

Kulawa 13:9

Nyimwilinyimwili ino iwe kamba kilaguso mna gamakono genu hebu mna ivihanga venu, ili siku zose mukumbuke malagizo ga Mndewa Imulungu. Kwavija Mndewa Imulungu kawalava mwiisi ya Misili kwa mkono wake uli na nguvu.

Kulawa 20:5

Sikuuvifugamile hebu kuvitambikila, kwavija niye Mndewa Imulungu wako nina migongo. Nowakoboza wana mbuli ya nzambi za tata zao, hata ulelo wa kadatu na wa ikane wa waja onihila.

Kumbukumbu 13:5

Lakini mtula ndagu ayo hebu munhu ayo yalotaga nzozi yakomigwe, kwavija kowafunza iwanhu wamuleme Mndewa Imulungu, Imulungu wenu, yawalavile mwiisi ya Misili na kuwagombola kulawa muutumwa, heyo kageza kuwatenda sikumuikweleleze nzila iyawalagize Mndewa Imulungu, Imulungu wenu muikweleleze. Muwakome ili musegese gehile hagati yenu.

Kumbukumbu 29:18

Muiteganye sikukuwe na munhu yoyose hagati yenu, mbigalo hebu mtwanzi hebu lukolo hebu kabila mna imweye mwimile hano yonda yamuleke Mndewa Imulungu, Imulungu wetu na kuisang'hanila imilungu ya isi azo. Awo okuwa kamba mzizi hagati yenu ulela matunda geli na sumu na gausungu.

Kumbukumbu 29:25

Na wanhu okwidika vino, ‘Kwavija walema kudigoga lagano da Mndewa Imulungu, Imulungu wa wahenga zao, diyaditendile na hewo viyawalavile mwiisi ya Misili,

Kumbukumbu 32:15

Wanhu wa Izilaeli waneneha na wavitowa mateke, waneneha na wakala na vitambi na wagilimbala, abaho wamuleka Imulungu yawalumbile, wambeza Dibwe kulu imkombola wao.

Kumbukumbu 33:17

Ukulu wake kamba ukulu wa ng'ombe mbigalo wa ichanduso, mhembe zake kamba mhembe za nyati mbigalo. Kozitumia kuwasung'ha wanhu wa isi ziyagwe, kowasung'ha mbaka kuuhelelo wa isi. Efulaimu kokuwa na wakalizi wa ng'hondo maelufu mengi, na Manase kokuwa na wakalizi wa ng'hondo maelufu.”

Kumbukumbu 4:25

“Vonda mukale mwiisi ayo, mwahapata wana na wazukulu na mwahawa wavele, kamba mwahasonga kupotela na kutenda vinyago kwa kuigala na kinhu chochose, mwahatenda gehile mgameso ga Mndewa Imulungu, Imulungu wenu na kumgevuza,

Kumbukumbu 5:9

Sikuuvifugamile hebu kuvitambikila, kwavija niye Mndewa Imulungu, Imulungu wako nina migongo. Nowakoboza wana mbuli ya nzambi za tata zao, hata ulelo wa kadatu na wa ikane wa waja onihila.

Kumbukumbu 6:12

muiteganye sikumumsemwe Mndewa Imulungu, yawalavile mwiisi ya Misili ako kumukalile watumwa.

Wasemi 10:11

Na Mndewa Imulungu kawalongela iwanhu wa Izilaeli, “Niye niwakombola mweye mmakono ga Wamisili na Waamoni na Waamoli na Wafilisiti.

Wasemi 5:8

Waizilaeli viwasolile imilungu iyagwe, ng'hondo ivika kuulwivi lwa dibuga. Lakini kukala kuduhu munhu yeli na panga hebu ngao, mna iwanhu elufu alobaini wa Izilaeli.

Wasemi 8:33

Bahaja Gideoni viyafile, Waizilaeli wainanga kabili na wavitambikila vinyago va Baali. Wamtenda Baali Beliti kamba ayo imulungu wao.