Wasemi 19:6 - Biblia Kikutu

⁶ Avo wanhu awo iwabili tata mkwe na imbigalo waja ndiya na kung'wa hamoja. Abaho ayo itata mkwe kamulongela, “Chonde, uwase baha lelo na udeng'helele.”

Wasemi 19:6 ပူးပေါင်းရင်းမြစ်များ

2 Samweli 13:28

Abisalomu kawalongela wasang'hanaji zake, “Muloleni Amnoni vonda yang'we divai na kudeng'helela na niye nowalongela, ‘Mkomeni Amnoni,’ avo mumkome, sambi mudumbe, niye iyo niwalongela. Mugangamale na muwe magalu.”

Zabuli 104:15

na divai imsamhuse munhu, na mavuta yaking'aze kihanga chake, na gate dimtende munhu yawe mgima.

Luka 12:19

Abaho noilongela, gweye moyo wangu! Kuna vinhu vose vinogile kwa miyaka heleketwaa. Bwihila, diya, ing'wa, na kudeng'helela!’

1 Wasesalonike 5:3

Wanhu vondawalonge, “Kuna tindiwalo na kuhola,” baho ubananzi owezila kwa kusinhukiza, kamba usungu wa kulela viumwizila mtwanzi yoifungula mwana, na wanhu hawahonyeka bule.

Ugubulo 11:10

Wanhu okala mwiisi oideng'helela ifa ya wanhu awo wabili. Otenda nyimwilinyimwili na kuigwaa nhunza, kwavija watula ndagu awo wabili wawagaza ng'hani wanhu wa mwiisi.

Ugubulo 11:13

Kipindi kikija kukala na mtigisiko mkulu ng'hani wa isi, hanhu ha longo ha isi inangika, na wanhu elufu saba wakomigwa kwa mtigisiko awo. Wanhu wasigale wadumba ng'hani, wamgwaa ukulu Imulungu wa kuulanga.

Wasemi 16:25

Viwakalile odeng'helela mmizoyo yao, walonga, “Mgaleni Samsoni yatusekeze.” Avo wamulava Samsoni kukifungo, wamgala na heyo kawasekeza. Wamwika hana zimhanda za ing'anda.

Wasemi 19:7

Munhu ayo viyalondile kusegela, tata mkwe wake kamsusumiza yasigale, na heyo kasigala na kilo acho kawasa kabili.

Wasemi 19:9

Mulawi ayo na mtwanzi wake viwenuke wasegele na imsang'hanaji wao, tata mkwe kamulongela ayo Imulawi, “Imisi imala na zuwa dohonga, uwase baha na udeng'helele. Mayo imitondo kolamuka na kobwela ukae kumwako.”

Wasemi 9:27

Wose wachola kumigunda yao ya mizabibu, wabawa zabibu abaho wazikamula, watenda divai na watenda nyimwilinyimwili. Wengila mng'anda ya imulungu wao, waja na kung'wa na wamuliga Abimeleki.

Lusi 3:7

Boazi viyamambukize kuja na kung'wa na kasamhuka, kachola behi na ikichele cha shaili kawasa. Lusi kachola mholemhole kagubula umgolole hana gamagulu ga Boazi na kawasa baho.

1 Samweli 25:36

Abigaili viyabwelile ukae, kamvika Nabali kakuna inyimwilinyimwili ng'hulu ya kindewa mwiing'anda yake. Nabali kakala yakoligwe ng'hani na kadeng'helela mmoyo wake. Avo hamulongele kinhu chochose mbaka imitondo.