Wasemi 19:10 - Biblia Kikutu

¹⁰ Lakini munhu ayo kalema kuwasa kuko kilo acho. Avo kenuka kasegela kavika behi na buga da Yebusi, sambi dokemigwa Yelusalemu. Kakala hamoja na awo ivihongwe wake wabili na mtwanzi wake.

Wasemi 19:10 ပူးပေါင်းရင်းမြစ်များ

2 Samweli 5:6

Siku dimoja mndewa Daudi na wanhu zake wachola Yelusalemu kuwatowa Wayebusi wakalile wenekae wa buga dijo. Lakini wao wamulongela Daudi, “Hukwingila ng'o muno, hata wasuwameso na mbetembete okuwinga.” Kwavija wagizaga Daudi hadaha kwingila mdibuga dijo.

Yoshua 15:63

Lakini iwanhu wa kabila da Yuda hawawawingile bule Wayebusi, awo iwenekae wa Yelusalemu, avo Wayebusi wakala hamoja na iwanhu wa Yuda ako Yelusalemu mbaka lelo.

Yoshua 15:8

Abaho ayo imbaka ibita kubonde da Hinomu, umwambu wa kusini wa ikigongo cha Wayebusi, vivija yojuwigwa kamba Yelusalemu, na ibita kuna inhembeti ya ulugongo ulo kuna umwambu wa kudihongela zuwa wa kubonde da Hinomu na ihelela ako kuna umwambu wa kasikazini wa kubonde da Lefaimu.

Yoshua 18:28

na Zela na Haelefu na Yebusi, twaga diyagwe dojuwigwa kamba Yelusalemu, na Gibea na Kiliati Yealimu. Gose kwa gose gakala mabuga longo na nne hamoja na ivijiji vake. Uno awo uhazi wa iwanhu wa kabila da Benjamini kamba viweli mzing'holo zao.

Wasemi 1:8

Wanhu wa kabila da Yuda wadivamila buga da Yelusalemu na wadisola. Wawakoma iwenekae wose kwa mapanga na wadilukuza dibuga kwa moto.

Wasemi 19:9

Mulawi ayo na mtwanzi wake viwenuke wasegele na imsang'hanaji wao, tata mkwe kamulongela ayo Imulawi, “Imisi imala na zuwa dohonga, uwase baha na udeng'helele. Mayo imitondo kolamuka na kobwela ukae kumwako.”