Wasemi 17:3 - Biblia Kikutu

³ Mika kambwezela mamake avo ivihande elufu imoja na gana dimoja va shaba. Mamake kalonga, “Ili makungu sikugakupate, novilava vihande vino kwa Mndewa Imulungu, ili kusongola kinyago na kukikumuga shaba. Avo sambi nokubwezela gweye vihande avo.”

Wasemi 17:3 ပူးပေါင်းရင်းမြစ်များ

Kulawa 20:23

Munitambikile niye niiyeka na sikumutende milungu ya shaba hebu zahabu.

Kulawa 20:4

“Sikuutende kinyago kiigalile na kinhu chochose kili kuulanga hebu mwiisi hebu mgamazi hasi ya isi ili ukitambikile.

Kulawa 34:17

“Sikumutende na kuvitambikila vinyago va imilungu ya zuma.

Walawi 19:4

“ ‘Sikumundeke niye na kuvitambikila vinyago na sikumutende vinyago va imilungu ya zuma. Niye ayo Mndewa Imulungu wenu.

Yohana 16:2

Wanhu owawinga mna zing'anda za kumpula Imulungu, na kipindi chokwiza baho kila munhu yowakoma mweye kogesa komsang'hanila Imulungu.

Kumbukumbu 12:3

Bomoleni kila upango wao wa kulavila nhosa, na tuleni mibwe yao ing'alile na someni moto vinyago vao va Ashela na vikanheni vinyago viyagwe va imilungu yao, ili kuvisegesa vinhu avo viwotambikila.

Kumbukumbu 27:15

“ ‘Yaduwiligwe munhu yoyose yosongola kinyago hebu yolumbula zuma kwa moto na kutenda kinyago, kinhu kitendigwe kwa makono ga fundi na kukitambikila kinyelegezi kinhu kimgevuza Mndewa Imulungu, Imulungu wenu.’ Na wanhu wose wedike, ‘Ona!’

Wasemi 17:13

Abaho Mika kalonga, “Sambi nojuwa kamba Mndewa Imulungu konitenda nimwede kwavija nokala na Mulawi ino kamba mulava nhosa wangu.”

Wasemi 17:2

Siku dimoja kamulongela mamake, “Vija ivihande elufu imoja na gana dimoja va shaba vibigwe, na gweye kumduwila ayo yakwibile akuno niye nokutegeleza, niye ayo nivisolile, ninavo.” Mamake kalonga, “Mwanangu Mndewa Imulungu yakutendele ganogile.”

Wasemi 17:4

Mika viyambwezele mamake vihande avo, mamake kasola vihande magana mabili, kamgwaa munhu yodaha kusongola kinyago na kukikumuga shaba, imunhu ayo kasongola ikinyago. Kinyago acho kikigwa mng'anda ya Mika.

Wasemi 18:30

Wanhu wa kabila da Dani wakimiza acho ikinyago kikumugigwe shaba mbuli yao, na Yonatani mwanage Gelishomu, Gelishomu mwanage Musa, na ulelo wake wakala walava nhosa wa iwanhu wa kabila da Dani mbaka viwabokigwe isi ayo.

Wasemi 18:5

Na hewo wamulongela, “Chonde, utuuzile kwa Imulungu kamba topata ganogile mmwanza wetu.”