Wasemi 16:7 - Biblia Kikutu

⁷ Samsoni kamwidika, “Kamba munhu yahanifunga kwa nzabi mbisi saba za upinde, aho nonyolila na nokuwa kamba imunhu yoyose iyagwe viyali.”

Wasemi 16:7 ပူးပေါင်းရင်းမြစ်များ

Nongezi 12:19

Ukweli okala milele, lakini uvizi okala kipindi kidodo.

Nongezi 17:7

Mbuli zinogile hazikala mmulomo wa munhu hakona kinyala kutenda gehile, vivo viili mbuli za uvizi hazidaha kukala kwa kilongozi.

Walumi 3:8

Lelo habali hatulonga, “Lekeni tutende nzambi ili ganogile geze?” Wanhu wayagwe wandiga walonga niye nofundiza mbuli zizo! Otagusigwa kamba viilondigwa.

Wagalatia 6:7

Sikumuivizile, Imulungu hagewezigwa, kwavija kija kiyahandile munhu acho chonda yasenge.

Wakolosai 3:9

Lekeni kuivizila, kwavija mweye musaula unhu wa umwaka na sang'hano zake zihile,

Wasemi 16:10

Delila kamulongela Samsoni, “Lola gweye kunigeweza na kunivizila. Chonde, nilongele munhu kodahaze kukufunga.”

Wasemi 16:6

Avo, Delila kamulongela Samsoni, “Chonde, nilongele disina da zinguvu zako, nilongele munhu yatende choni ili ulemelwe na yakufunge.”

Wasemi 16:8

Abaho Iwakulu wa Wafilisiti wamgalila Delila nzabi azo saba mbisi za upinde, na heyo kamfunga Samsoni.

Wasemi 16:9

Delila kakala yawekile wanhu wamvamile Samsoni kudigati da mng'anda. Abaho kamulongela Samsoni kwa sauti ng'hulu, “Samsoni, Wafilisiti weza kukuvamila.” Samsoni kazikanha zinzabi azo kamba luzi lwa kusonela kiwalo vilukwaka moto. Avo kuduhu yajuwile disina da zinguvu zake.

1 Samweli 19:17

Sauli kamulongela Mikali, “Habali kumvizila? Kumulekesa munhu yonihila yatoloke.” Mikali kamwidika, Daudi kanongela, “Nileke nisegele buleavo nokukoma.”

1 Samweli 27:10

Akishi yahamuuza Daudi, “Lelo kuvamila kwahi?” Daudi kaviza kalonga, “Negebu ya Yuda,” hebu, “Negebu ya Wayelameeli,” hebu, “Negebu ya Wakeni.”