Wasemi 14:5 - Biblia Kikutu

⁵ Abaho, Samsoni kachola Timina na tatake na mamake, viwavikile kumigunda ya mizabibu ako Timina, baho kalawila mwana wa simba kambumila Samsoni.

Wasemi 14:5 ပူးပေါင်းရင်းမြစ်များ

2 Samweli 23:20

Abaho Benaya mwanage Yehoyada, imunhu galu, kulawa Kabiseeli, yakalile katenda mbuli ng'hulu, ayo kawakoma magalu wabili ako Moabu. Vivija kahumuluka mdisimo kamkoma simba mumsimu wa balafu.

Zabuli 91:13

Kowakanyaga simba na zoka, mwana simba na nyoka kowahonda kwa magulu.

Waebulania 11:33

Kwa kutamanila wazitowa isi ziyagwe na kuzihuma. Watawala kwa nzila iwatendile wanhu wakweleleze malagizo na wakibokela kija kiyalongile Imulungu. Wazifunga saya za simba,

Yoshua 15:10

abaho imbaka izunguluka umwambu wa kudihongela zuwa ichola kulugongo lwa Seili, na ibitila kasikazini ya lugongo lwa Yelimu vivija yojuwigwa kamba Kesaloni, na ihumuluka mbaka Beti Shemeshi ako ibita behi na Timina.

1 Petulo 5:8

Mugese goya na mukale meso. Ija yawehile, mwenembago kokwanga kamba simba yong'ula komzahila munhu wa kumuja.

Wasemi 14:4

Tatake na mamake hawajuwile kamba mbuli ayo ilawa kwa Mndewa Imulungu, kwavija kakala kozahila nyafasi ili yawakoboze Wafilisiti, kwavija kipindi acho Wafilisiti wakala owatawala Waizilaeli.

Wasemi 14:6

Baho Loho ya Mndewa Imulungu imwingila Samsoni, hamoja kakala kaduhu kinhu mmakono gake, kambalula simba ayo, kamba munhu yobalula mwana wa mbuzi. Lakini Samsoni hawalongele bule tatake na mamake mbuli ayo.

1 Samweli 17:35

niye nomuwinza na kuitowa nayo, na nomgombola ng'hondolo mmulomo wake. Kamba simba hebu dubu yahaniwinza noigoga midevu yake nomkoma.