Wasemi 11:27 - Biblia Kikutu

²⁷ Avo, niye sikutendele kinhu kihile, gweye kobananga kuitowa na niye. Mndewa Imulungu yeli msemi kolamula lelo hagati ya Waizilaeli na Waamoni.”

Wasemi 11:27 ပူးပေါင်းရင်းမြစ်များ

Mwanduso 16:5

Abaho Salai kamulongela Abulamu, “Gweye ayo kilamuso cha niye kudununzwa. Niye nikugwaa mtumwa wangu, kwavija sambi kajuwa kana inda, kosonga kunibezeli niye. Mndewa Imulungu na yatutaguse niye na gweye!”

Mwanduso 18:25

Sigesa kamba kotenda vivo, kuwakoma wanhu wanogile hamoja na wanhu wene nzambi! Havidahika bule, kwavija msemi wa isi yose kolondigwa yataguse goya.”

Mwanduso 31:53

Imulungu wa Abulahamu na Imulungu wa Naholi na Imulungu wa tatao, watutaguse.” Avo Yakobo kaiduwila kwa twaga da Imulungu iyamtendile tatake Isaka yamdumbe.

Zabuli 50:6

Ulanga osimulila haki yake, kwavija Imulungu mwenyego ayo msemi.

Zabuli 7:11

Imulungu ayo imsemi wa haki, Imulungu yowagevuzikila iwanhu wehile kila siku.

Zabuli 75:7

Lakini Imulungu ayo yotagusa, komuhumulusa imoja na komkweza iyagwe.

Zabuli 82:8

Gweye Imulungu, inuka uitaguse isi yose, kwavija isi yose awo uhazi wako.

Zabuli 94:2

Inuka gweye uwatagusaga iwanhu wa isi yose, uwabwezele gaja golondigwa iwanhu wamemile bezi.

Zabuli 98:9

kuulongozi wa Mndewa Imulungu, yokwiza yaitaguse isi yose. Koitagusa isi yose kwa haki, na iwanhu wose wa mwiisi kamba viilondigwa.

2 Wakolinto 11:11

Vino niye nolonga vino kwavija siwanogela bule? Imulungu kojuwa kuwa nowanogela!

2 Wakolinto 5:10

Kwavija kila munhu kokwima kuulongozi wa Kilisito yatagusigwe. Kila munhu kobokela kija kiyolondigwa, kamba vija viyasang'hane mwiisi, kamba ganoga hebu geha.

2 Timoseo 4:8

Sambi nobetela kugweleligwa nhunza ya kuhuma, ya kutendigwa noge mgameso ga Imulungu. Mndewa yotagusa wanhu goya, konigwaa nhunza siku dijo. Si niye niiyeka, lakini na waja wose ombeta kwa kusulukila yalawilile.

Waebulania 12:23

Mweye muvika kuna ikibumbila cha wana wa chaudele wa Imulungu, waja matwaga gao gandikigwe kuulanga. Mweye mwiza kwa Imulungu yeli msemi wa wanhu wose na mwiza mziloho za wanhu wanogile watendigwe watelele.

Wasemi 11:28

Lakini imndewa wa Waamoni hazitegeleze mbuli za Yefisa ziyalongile kumwake.

1 Samweli 2:10

Wanhu omwihila Mndewa Imulungu obenigwa vihande vihande, kotowa ng'huwa kumwao kulawa kuulanga. Mndewa Imulungu koitagusa isi yose, komgwaa nguvu mndewa wake, koukweza udahi wa ayo iyamsagule.”

1 Samweli 24:12

Mndewa Imulungu kolamula hagati ya gweye na niye. Heyo ayo yokuliha gehile, kwa gehile gautendile, lakini niye sidaha kukutendela gehile.

1 Samweli 24:13

Kumbuka ulonzi wa wanhu wa umwaka, ulonga, ‘Kwa yehile golawa gehile.’ Lakini niye sigolosa mkono wangu nikutendele gehile.

1 Samweli 24:15

Avo Mndewa Imulungu ayo yonda yalamule hagati ya gweye na niye. Heyo yailole goya mbuli ino, yangombele na kunigombola mmkono gako.”

1 Samweli 24:16

Daudi viyeshilize kulonga, Sauli kamwidika, “Vino, ayo iyo sauti yako mwanangu Daudi?” Sauli kaguta na kalila kwa usungu.