Wasemi 11:18 - Biblia Kikutu

¹⁸ Abaho wachola wabitila kuzunguluka isi ya Edomu na Moabu mbaka wavika mwambu wa kudilawila zuwa wa Moabu, weka ng'hambi kumgwazo wa lwanda lwa Alinoni. Lakini hawengile bule mwiisi ya Moabu, kwavija ulwanda lwa Alinoni awo ukalile imbaka ya Moabu.

Wasemi 11:18 ပူးပေါင်းရင်းမြစ်များ

Kupetigwa 20:22

Abaho Waizilaeli wose wagendelela na mwanza kulawa ako Kadeshi na wavika kulugongo lwa Holi.

Kupetigwa 22:36

Balaki viyahulike kamba Balaamu kamnzila kokwiza, kachola kumbokela kudibuga da Ali, buga dijo dikala mwiingema ya lwanda lwa Alinoni kuna imbaka ya Moabu.

Kumbukumbu 2:18

‘Lelo moiloka imbaka ya isi ya Moabu kubitila buga da Ali.

Kumbukumbu 2:24

“Abaho Mndewa Imulungu katulongela, ‘Avo, songeni umwanza. Lokeni kubonde da Alinoni. Niye nimgela mmakono genu Sihoni mndewa wa Waamoli wa Heshiboni na isi yake. Mtoweni abaho muisole isi yake.

Kumbukumbu 2:9

Abaho Mndewa Imulungu kanongela, ‘Sikumuwagaze wanhu wa Moabu hebu kuwadovula ili muitowe, kwavija siwagwaa bule isi ayo. Niye niwagwaa isi ayo ya Ali iwanhu wa ulelo wa Lutu kamba uhazi wao.’”